პატრის ევრას "ოლდ ტრაფორდზე" დაბრუნება შესთავაზეს, მაგრამ მხოლოდ როგორც მწვრთნელს - იტყობინება იტალიური მედია.

"მანჩესტერ იუნაიტედის" ყოფილ კაპიტანს წარმატებული კარიერა ჰქონდა ინგლისში, სადაც ხუთჯერ გახდა ქვეყნის ჩემპიონი, სამჯერ მოიგო ლიგის თასი და თითოჯერ ჩემპიონთა ლიგა და მსოფლიო საკლუბო ჩემპიონატი.

მოურინიოს საკუთარ სამწვრთნელო შტაბში ხილვა სურს 35 წლის ფეხბურთელისა, რომელიც მიმდინარე სეზონში იშვიათად ხვდება "იუვენტუსის" სასტარტო შემადგენლობაში.

Gazzetta dello Sport-ი იტყობინება, რომ პატრის ევრას ჯერ გადაწყვეტილი არ აქვს კარიერის დასრულება და შესაძლებელია, მისი მომდევნო კლუბი "ვესტ ჰემი" გახდეს. თავად ჩაქუჩები ფრანგი ფეხბურთელის სამსახურით ინტერესდებიან.

მიუხედავად იმისა, რომ "იუნაიტედს" მთელი სეზონის განმავლობაში მარცხენა მცველის პრობლემა აქვს, მოურინიო არ აპირებს ევრას შეძენას და ლუკ შოუსა და დეილი ბლინდის თამაშს დასჯერდება.

წყარო: the sun