"რედინგისა" და "მანჩესტერ იუნაიტედის" მატჩის პირველი ტაიმის დასრულების შემდეგ ჟოზე მოურინიო მარკუს რეშფორდთან პირადად მივიდა და უთხრა, რომ არ აღელვებდა იმ მომენტები, რომლებიც ახალგაზრდა ინგლისელმა ვერ გამოიყენა.

მატჩის პირველი ტაიმში მარკუსს რამდენიმე ხელსაყრელი მომენტი ჰქონდა გოლის გასატანად, მაგრამ ვერც მეკარის მოტყუების შემდეგ და ვერც მეკარესთან პირისპირ გასვლის შემდეგ ვერ ახერხებდა მეტოქის კარის აღებას.

თუმცა 19 წლის ფეხბურთელმა 24 სექტემბრის შემდეგ უგოლო სერია მაინც დაასრულა და "რედინგთან" შეხვედრაში ორი გოლი გაიტანა.

"შესვენებაზე ვესაუბრე და ვუთხარი, რომ არ მაღელვებდა პირველ ტაიმში გამოუყენებელი მომენტები, რადგან მათი დაცვის ხაზის გარღვევაში დიდი პასუხისმგებლობა ეკისრებოდა და კარგად თამაშობდა, ამიტომ ერთი გოლით მეტი იქნებოდა თუ ნაკლები, არაფერს ცვლიდა, მაგრამ თავდამსხმელისთვის გოლის გატანა ბედნიერებას, თავდაჯერებულობას ნიშნავს და კარგია, რომ გაიტანა.

ძალიან სწრაფია და მარკუსთან ერთად ვიცით, როგორ უნდა გარდავქმნათ გუნდი ზლატანიდან მარკუსამდე, რადგან ამ დროს სულ სხვა სახის მოძრაობებია საჭირო.

მარკუსთან ერთად ძალიან ობიექტურად ვთამაშობდით და "რედინგს" ბევრი პრობლემა შევუქმენით, განსაკუთრებით პირველ ტაიმში", - განაცხადა მთავარმა მწვრთნელმა.

წყარო: M.E.N.