იმ პერიოდში, როცა "მანჩესტერ იუნაიტედი" ზედიზედ ორი გამარჯვების მოპოვებასაც კი ვერ ახერხებდა მიმდინარე სეზონში, ჟოზე მოურინიომ გარდატეხა შეიტანა და გუნდს ზედიზედ 8 გამარჯვება მოუპოვა ყველა ტურნირზე.

"წითელმა ეშმაკებმა" 4 დეკემბერს "ევერტონთან" ფრედ 1-1 დასრულებული მატჩის შემდეგ ჩატარებული ყოველი შეხვედრა მოიგეს, რაც "ზორიასთან" მატჩით იწყება და "რედინგთან" გამარჯვებით სრულდება.

მოურინიოს შეგირდებს 2 თვეზე მეტი დასჭირდათ მატჩების ზედიზედ გამარჯვებისთვის და საეჭვოა, "იუნაიტედის" რომელიმე გულშემატკივარს სჭირდებოდეს იმის შეხსენება, რომ 2013 წელს სერ ალექს ფერგიუსონის წასვლის შემდეგ გუნდი ასეთი წარმატებული არ ყოფილა.



აღნიშნული რვამატჩიანი გამარჯვებათა სერია 2009 წლის სექტემბრის შემდეგ ყველაზე ხანგრძლივი სერიაა. 2009 წელს კი "იუნაიტედი" პრემიერ ლიგაში მეორე ადგილზე გავიდა და ლიდერ "ჩელსის" ჩამორჩა.

"იუნაიტედი" თავის მომდევნო მატჩს ლიგის თასის ნახევარფინალში "ჰალ სიტის" წინააღმდეგ ჩაატარებს, მოგვიანებით კი პრემიერ ლიგაში "ლივერპულს" დაუპირისპირდება.