ჟოზე მოურინიომ დავიდ დე ხეა შეაქო, მაგრამ "მანჩესტერ იუნაიტედის" მწვრთნელს არ სურს, რომ მეკარემ ზედიზედ მეოთხედ მოიგოს წლის საუკეთესო ფეხბურთელის ჯილდო.

ესპანელი მეკარე 2014, 2015 და 2016 წლებში სერ მეტ ბასბის სახელობის ჯილდოს მფლობელი, რაც "იუნაიტედის" ისტორიაში პირველი შემთხვევაა.

დე ხეას სათამაშო ფორმა მიმდინარე წელსაც კარგია და მას არაერთხელ გადაურჩენია გუნდია გაშვებული გოლისგან, მაგრამ ამ ტრადიციის დარღვევა "იუნაიტედის" შემტევი ფეხბურთელების კარგ თამაშს ნიშნავს.

"ვფიქრობ, როცა მეკარე ხდება წლის საუკეთესო მოთამაშე, რაღაც არასწორად კეთდება. იმედი მაქვს, ამ სეზონში დავიდი ვეღარ გახდება ჩვენი საუკეთესო ფეხბურთელი, მაგრამ მნიშვნელოვან სეივებს ისევე გააკეთებს, როგორც წინა მატჩში", - განაცხადა მოურინიომ.

"ვესტ ჰემთან" მატჩში ესპანელმა მაიკლ ანტონიოს წინააღმდეგ დდიდებული სეივი განახორციელა, რამაც სამომავლოდ "იუნაიტედს" ზედიზედ მეექვსე გამარჯვებაში შეუწყო ხელი.

"მატჩის ბოლოს დავიდს ჩავეხუტე, რადგან ანტონიოს წინააღმდეგ განხორციელებული სეივის გარეშე სამ ქულას ვერ ავიღებდით. მატჩის დასრულებამდე 20 წუთით ადრე ანტონიოს რომ გაეტანა, ისე იცავდნენ თავს და ისე ორგანიზებულად თამაშობდნენ, რომ მოგება გაგვიჭირდებოდა".

მოურინიოს არაფერი აქვს საწინააღმდეგო იმისა, რომ მეკარე ჯილდოს გადაცემით აღიარონ, მაგრამ ურჩევნია, დე ხეას სერია "ოლდ ტრაფორდზე" დასრულდეს, რადგან ეს ნიშნავს, რომ "იუნაიტედი" მეტოქის კართან კარგად თამაშობს.

"რა თქმა უნდა, მირჩევნია მეკარე აღიარონ. მინდა, რომ ოქროს ბურთი მოიგონ და პრემიერ ლიგის სეზონის საუკეთესო ფეხბურთელები გახდნენ, რადგან მეკარე ის მარტოსული ადამიანია მოედანზე, რომელსაც განსხვავებული ფერის მაისური აცვია. როცა ფენომენალურად თამაშობს, ხალხი ივიწყებს და როცა შეცდომას უშვებს, ყველას ამახსოვრდება.

მაგრამ რეალობა ის არის, რომ როცა სეზონიდან სეზონამდე მეკარე ხდება საუკეთესო მოთამაშე, რაღაც არასწორად კეთდება".

წყარო: manutd.com