ანტუან გრიზმანი იმავე კონტრაქტს მიიღებს, რაც მადრიდის "ატლეტიკოში" აქვს, თუკი "მანჩესტერ იუნაიტედში" გადავა.

"იუნაიტედის" წარმომადგენლებმა მიმდინარე კვირაში ფრანგ თავდამსხმელთან პირად კონტრაქტზე ისაუბრეს და 25 წლის ფეხბურთელს ხელფასის სახით კვირაში 220 ათასი ფუნტი, ანუ იგივე თანხა შესთავაზეს, რასაც პოლ პოგბას უხდიან - პლუს გარკვეული ბონუსები.

ეს ნიშნავს, რომ ფრანგი ფეხბურთელები "იუნაიტედში" ერთ-ერთი ყველაზე მაღალანაზღაურებადი მოთამაშეები იქნებიან.

გასულ თვეში მედია საშუალებები იტყობინებოდნენ, რომ "იუნაიტედმა" თავის ნომერ პირველ სამიზნედ გრიზმანი დაისახა და მასთან მოლაპარაკებების წარმოება წამყვან აგენტს დაავალა.

თუმცა, ჯერ შეთანხმება მიღწეული არ არის გრიზმანის კლუბთან, რომელიც გამოსასყიდ თანხად 86 მლნ. ფუნტს ითხოვს, რაც "იუნაიტედის" ხელმძღვანელობას საერთოდ არ აბრკოლებს.

წყარო: the sun