"მანჩესტერ იუნაიტედმა" "ევერტონისგან" მორგან შნეიდერლინის თაობაზე მიღებული 19 მლნ. ფუნტის ოდენობის შეთავაზება უარით გაისტუმრა.

ფრანგი ნახევარმცველი "ოლდ ტრაფორდზე" თავის დამკვიდრებას ვერ ახერხებს და ჟოზე მოურინიომ მას განუცხადა, რომ თავის გეგმებში შნეიდერლინის ადგილს ვერ ხედავს.

შედეგად, 27 წლის ფეხბურთელს კლუბის დატოვების ნება დართეს, მაგრამ მხოლოდ იმ შემთხვევაში, თუკი "იუნაიტედი" 24 მლნ. ფუნტს აიღებს მის სანაცვლოდ.

"კანფეტების" მთავარმა მწვრთნელმა, რონალდ კუმანმა, რომელიც შნეიდერლინთან ერთად "საუთჰემპტონში" მუშაობდა, ფრანგი თავის პრიორიტეტულ სამიზნედ დაისახა.

"გუდისონის" მკვიდრები დარწმუნებულნი არიან, რომ ფეხბურთელის შეძენას შეძლებენ და თავად ფეხბურთელსაც მოსწონს "ევერტონში" გადასვლის პერსპექტივა. მაგრამ პრობლემურ საკითხად რჩება თანხა, რომლის მიღებაც "იუნაიტედს" სურს.

წყარო: the sun