მადრიდის "რეალის" ცენტრალური მცველი პეპე "მანჩესტერ იუნაიტედის" სატრანსფერო სამიზნეა.

33 წლის პორტუგალიელს "ბერნაბეუზე" არც ისე სახარბიელო მდგომარეობა აქვს, რითაც ზაფხულში ჟოზე მოურინიო ისარგებლებს და მის გადაბირებას ეცდება.

ევროპის ჩემპიონს არა მარტო ევროპული კლუბებიდან, არამედ ჩინეთიდანაც აქვს შეთავაზებები.

მოურინიოსა და პეპეს ადრეც უმუშავიათ ერთად და მწვრთნელს იმედი აქვს, რომ სხვებისთვის შეთავაზების გაკეთების დასწრებით პორტუგალიელის შეძენას მოახერხეს.

პეპეს სახით ჟოზე კარგ სათადარიგო ფეხბურთელს ხედავს, რომელიც ფილ ჯონსს, მარკოს როხოს, კრის სმოლინგსა და ერიკ ბაიის დახმარებას გაუწევს.

პეპეს შეძენით "ტოტენჰემიც" ინტერესდება, მაგრამ მოურინიო ფეხბურთელთან წარსულში თანამშრომლობის გამოცდილებით ფლობს უპირატესობას.

ევროპულ გუნდებზე მეტი კონკურენცია ჩინელებმა შეიძლება გასწიონ თავიანთი ფინანსური შესაძლებლობებით. მაგალითად, პეპეს მინიმუმ 450 ათას ფუნტს შესთავაზებენ კვირაში, თუკი ჩინეთში გადასვლას გადაწყვეტს.

წყარო: the sun