ჟოზე მოურინიომ დაადასტურა, რომ უეინ რუნი 2016 წლის ბოლო მატჩში მონაწილეობას ვერ შეძლებს, შესაბამისად, "მანჩესტერ იუნაიტედი" მის გარეშე იმასპინძლებს "მიდლსბროს" წინააღმდეგ.
გუნდის კაპირანმა ბოქსინგ დეიზე "სანდერლენდთან" შეხვედრაც გამოტოვა მას შემდეგ, რაც შობა დღეს ვარჯიშზე მცირე ტრავმა მიიღო.

როცა მატჩის წინა პრესკონფერენციაზე მოურინიოს ჰკითხეს, იცოდა თუ არა განსაზღვრული დრო, როცა რუნი დაბრუნდებოდა, მან უპასუხა: "არა, მაგრამ ჯერ მზად არ არის".

რაც შეეხება ლუკ შოუს, მის შესახებ მოურინიომ კლუბის ოფიციალურ ტელევიზიასთან ინტერვიუში განაცხადა: "გუნდთან ერთად ვარჯიშობს, მაგრამ მომდევნო მატჩში ვერც ის ითამაშებს".

სხვა მხრივ მოურინიოს გუნდს დანაკლისი არ აქვს და ზედიზედ მეექვსე გამარჯვების მოსაპოვებლად საბრძოლო შემადგენლობით გავა მოედანზე. მართალია ერიკ ბაიი "შავ კატებთან" მატჩის განაცხადში არ იყო, მაგრამ ეს მწვრთნელის გადაწყვეტილება გახლდათ და არა იძულებითი მოქმედება.

რაც შეეხება შემადგენლობის შერჩევას, მოურინიომ განაგრძო: "მომდევნო მატჩი "მიდლსბროსთან" გვაქვს და ეს შეხვედრა მოსაგებია. ამიტომ, ჩვენ ვიფიქრეთ "მიდლსბროზე" და შევარჩევთ შემადგენლობას, რომელიც გამარჯვების გარანტიასა და შანსს მოგვცემს. შესაბამისად, შემადგენლობაში შევარჩევთ ყველას, ვინც ხელმისაწვდომია და ჩვენი აზრით მნიშვნელოვანი იქნება ამ მატჩისთვის. ესეც მნიშვნელოვანი მატჩია და იმას ვათამაშებთ, ვინც ჩვენი აზრით გამარჯვებისთვის მნიშვნელოვანი იქნება".

წყარო: manutd.com