ჟოზე მოურინიომ ჰენრიხ მხითარიანის გოლს "ფენომენალური" უწოდა და სინანული გამოთქვა იმის გამო, რომ მისი გოლის ხილვა ტელევიზიით ვერ შეძლო.

"სანდერლედნთან" მატჩის 62-ე წუთზე მხითარიანმა ჯესი ლინგარდი შეცვალა და თავისი დაბრუნება საოცარი გოლით აღნიშნა.

27 წლის ნახევარმცველისთვის ეს მესამე გოლი იყო ბოლო სამ მატჩში და მოურინიო მოხარულია, რომ ჰენრიხმა 15-დღიანი უქმობის შემდეგ ასე დაბრუნება მოახერხა.

"უმჯობესი იყო ტელევიზორში მენახა. მაგრამ ჩემი ხედიდან ფენომენალური გოლი იყო და ვფიქრობ, შესაბამის კარშიც გავიდა, სტრეტფორდ ენდის წინ, სადაც ენთუზიაზმით სავსე ხალხი ზის.

დიდებული მომენტი და მისთვის ძალიან მნიშვნელოვანი მოვლენა იყო, რადგან სულ უფრო და უფრო მაღლა მიიწევდა, მაგრამ შემდეგ ტრავმა მიიღო და ორი მატჩი გამოტოვა, რის შემდეგაც დაბრუნდა. თუმცა, არა მარტო დაბრუნდა და გოლი გაიტანა, არამედ შესანიშნავად ითამაშა და ნამდვილად ბედნიერი ვარ", - განაცხადა მოურინიომ.

წყარო: M.E.N.