"ეს ჩემი საუკეთესო გოლი იყო", ასე შეაფასა ჰენრიხ მხითარიანმა "სანდერლენდის" კარში მის მიერ გატანილი შესანიშნავი ბურთი, რომელმაც "წითელ ეშმაკებს" "ოლდ ტრაფორდზე" 3-ბურთიანი უპირატესობა მოუტანა.

სომეხმა ნახევარმცველმა ტრავმის მოშუშების შემდეგ "ოცნების თეატრზე" "შავი კატების" წინააღმდეგ მოახერხა დაბრუნება და ეს მოვლენა "სტრეტფორდ ენდის" წინ შეკრებილი გულშემატკივრისთვის ულამაზესი გოლის ჩვენებით აღნიშნა.

ეს გოლი არა მარტო მხითარიანისთვისაა საუკეთესო, არამედ სეზონის საუკეთესო გოლადაც შეიძლება დასახელდეს, როცა მაისში ხმის მიცემა დაიწყება.

მანამდე კი მისი გოლის სხვადასხვა რაკურსით ხილვა შეგიძლიათ.