ჟოზე მოურინიო ფიქრობს, რომ დევიდ მოიესს "მანჩესტერ იუნაიტედში" იმდენად რთული სამუშაო არ ჰქონია, როგორი შედეგებიც მიიღო.

"იუნაიტედის" მთავარი მწვრთნელის პოსტზე გატარებული 10 თვის შემდეგ მოიესი სამსახურიდან დაითხოვეს, რადგანაც მისმა გუნდმა ბოლო 25 წლის განმავლობაში ყველაზე ცუდი შედეგი აჩვენა ინგლისურ ფეხბურთში.

შოტლანდიელ სპეციალისტთან არაერთ გამოცდილ მოქმედ და ყოფილ ფეხბურთელს ჰქონია პრეტენზია: რიო ფერდინანდი საჯაროდ აცხადებდა, რომ მოიესი შემადგენლობას ძალიან გვიან ირჩევდა, ნემანია ვიდიჩმა კლუბი დატოვა და პატრის ევრას გზას გაჰყვა იტალიაში, ხოლო გარი ნევილი რაიან გიგზის სათამაშო პრაქტიკის უქონლობის მიზეზით ინტერესდებოდა.

ამასობაში კი მოიესს ისეთი ფეხბურთელების შეძენა სურდა, როგორიც ტონი კროოსი, სესკ ფაბრეგასი, გარეთ ბეილი, კრიშტიანუ რონალდუ, ბლეზ მატუიდი, პოლ პოგბა და ანდერ ერერა არიან.

2013 წელს სერ ალექს ფერგიუსონის შემცვლელად მოურინიოც მოიაზრებოდა, მაგრამ მაშინ იგი არცისე დიდი პოპულარობით სარგებლობდა გულშემატკივართა შორის.

როცა მატჩის წინა პრესკონფერენციაზე ჰკითხეს, მოიესს რთული სამუშაო ერგო თუ არა, პორტუგალიელმა უპასუხა: "არ ვიცი, მე წინააღმდეგი არ ვიქნებოდი დიდი მოლოდინის მქონე კლუბში ყოფნისა, მაგრამ რაიან გიგზის ყოლა, არ ვიცი, ჩიჩარიტო, ვფიქრობ, ვიდიჩი, ევრა. წინააღმდეგი არ ვიქნებოდი.

"იუნაიტედის" მწვრთნელობა ტვირთი სულაც არ არის, აქ კლუბის დიდი ისტორია იგრძნობა, ამან კი მხოლოდ პოზიტიური გავლენა უნდა მოახდინოს და არა ნეგატიური. პრობლემა იმაშია, გაქვს თუ არა ამ წარმატებული ისტორიის შესანარჩუნებლად საჭირო პირობები, მერე კი სულ სხვა ამბავი იქნებოდა.

ერთია გარი ნევილის, პოლ სქოულზის, დევიდ ბექჰემის, გიგზისა და ბატის ყოლა 25, 26, 27 წლის ასაკში, მეორეა მათი ყოლა 31 ან 32 წლის ასაკში და სულ სხვაა, როცა ისინი საერთოდ არ გყავს, ალბათ, ამან ითამაშა დიდი როლი.

ასე რომ, ეს თაობები და დევიდის მოსვლისას არსებული სიტუაციის სირთულე არ აადვილებდა გამარჯვებათა გზაზე დადგომას, ამავდროულად კი - რაც უფრო მნიშვნელოვანია, ჩემი აზრით - პრემიერ ლიგა იცვლებოდა.

ვფიქრობ, მწვრთნელი, რომელიც არასდროს გაუძევებიათ, მწვრთნელი არ არის, ან, როგორც მინიმუმ, კარგი მწვრთნელი არ არის. აუცილებლად უნდა გაგვაძევონ. ასე რომ, უბრალოდ დევიდის კარიერაში ცუდი მომენტი იყო, მასაც ის უნდა ეკეთებინა, რაც მე გავაკეთე, რასაც ყველა ვაკეთებთ, სვლა უნდა გაგვეგრძელებინა, მან კი ეს შეძლო და ვფიქრობ, "მანჩესტერ იუნაიტედის" შემდეგ ესპანეთში წასვლა მისთვის ასევე სხვა გამოცდილება იყო, მერე კი ინგლისში, პრემიერ ლიგაში დაბრუნდა - ეს კი ის არის, რასაც ყველა უნდა ვაკეთებდეთ.

ალან პარდიუც ასევე უნდა მოიქცეს. რამდენიმე დღის შემდეგაც შეეძლოთ გაეძევებინათ, თან შობა დღე დაემთხვეოდა და უფრო ლამაზი იქნებოდა. მაგრამ არ უნდა დანებდეს, თავის ოჯახთან ყოფნით ისიამოვნოს და სვლა განაგრძოს, ახალი სამსახური კი მოვა, მე ასეთი ვარ, ძალიან პრაგმატული, რაც ფეხბურთის ნაწილია".

წყარო: M.E.N.