"მანჩესტერ იუნაიტედის" თავდამსხმელმა ზლატან იბრაჰიმოვიჩმა პრემიერ ლიგაში შესანიშნავი სტარტი აიღო და 16 მატჩში 11 გოლი გაიტანა.

ამ მაჩვენებელს მხოლოდ რუდ ვან ნისტელროის შედეგი აჭარბებს, რომელმაც 2001/02 წლების სეზონში იმავე რაოდენობის მატჩში 12-ჯერ აიღო მეტოქის კარი.

იბრაჰიმოვიჩი მიმდინარე სეზონის საუკეთესო ბომბარდირთა დავაში პირველ ადგილზე როდია. მას დიეგო კოშტა აჭარბებს 2 გოლით, ალექსის სანჩესი კი 1 გოლით, თუმცა ის ყველა დანარჩენ ფეხბურთელს უსწრებს და უახლოესი მდევარი "ლივერპულელი" სადიო მანე და "კრისტალ პალასელი" კრისტიან ბენტეკეა, რომელთაც 8-8 გოლი აქვთ გატანილი.

35 წლის შვედი პრემიერ ლიგაში მესამე ყველაზე ასაკოვანი ფეხბურთელი გარეთ მაკოლისა და გარეთ ბერის შემდეგ. იბრაჰიმოვიჩის ანგარიშზე "იუნაიტედის" გოლების საერთო რაოდენობის 45.8% მოდის - მხოლოდ "სანდერლენდის" ფეხბურთელ ჯერმეინ დეფოს აქვს უკეთესი პროცენტული მაჩვენებელი (8 გოლი საერთოდ 15-დან, 53/3%).

თუ როგორ და რომელ გუნდებთან მატჩებში მიაღწია იბრაჰიმოვიჩმა ასეთ შედეგს, შეგიძლიათ იხილოთ ვიდეოში.