ჟოზე მოურინიომ განაცხადა, რომ ლუკ შოუს ტრავმის მკურნალობა დასასრულს უახლოვდება, მაგრამ ბოქსინგ დეიზე "სანდერლენდთან" ვერ ითამაშებს.

შოუს 30 ნოემბრის შემდეგ არ უთამაშია, მაგრამ მარცხენა მცველი ახლოსაა გუნდში დაბრუნებასთან.

"გუნდი კარგ მდგომარეობაშია. ბევრი ტრავმირებული არ გვყავს. ლუკ შოუს ტრავმაც კი დასასრულს უახლოვდება. კარგად ვართ. ხალხი ბედნიერია", - განაცხადა მოურინიომ.

რაც შეეხება ჯგუფის მორალს, მოურინიომ განაგრძო: "გუნდში ყოველთვის არის ფეხბურთელი, რომელიც ისე ბევრ თამაშობს, რის გამოც შეშფოთებულები არიან, რადგან საფეხბურთო მოთამაშეს თამაში უნდა და არა სკამზე ჯდომა. მაგრამ ისინი მეგობრები არიან და ძალიან კარგი ურთიერთობა აქვთ.

ცუდი შედეგების პერიოდი კარგი იყო, რადგან ამან ხალხი დაახლოვა რთულ მომენტში, ერთად შეკრა, არავითარი კონფლიქტი არ ყოფილა და ყველა ერთ ნავში იჯდა. ასე რომ, ჯგუფი ძალიან ძლიერადაა".

ერიკ ბაიი, რომელმაც "კრისტალ პალასთან" მიიღო ტრავმა, ვარჯიშის დროს კარინგტონზე შენიშნეს, ისიც შეძლებს "შავ კატებთან" თამაშს.

"კარგია, რომ ყველა გვყავს ლუკ შოუს გარდა, რომელიც ასევე მალე დაბრუნდება. ცენტრალური მცველის პოზიციაზე ახლა ყველა გვყავს.

კრის სმოლინგი დაბრუნდა, ერიკ ბაიი დაბრუნდა, ფილ ჯონსი კარგადაა, მარკოს როხო კარგადაა, დეილი ბლინდიც კარგადაა, ასე რომ, ძალიან მნიშვნელოვანია სტაბილურობის ქონა არჩევანში. რამდენიმე თვის წინ რთულად გვქონდა საქმე, მაგრამ ახლა უსაფრთხოდ ვართ. ვიცით, რომ ბაიი აფრიკის თასზე წავა იანვარში, მაგრამ მომდევნო სამ მატჩში ყველა გვეყოლება".

მოურინიომ კომენტარი არ გააკეთა ჰენრიხ მხითარიანზე, რომელმაც "ტოტენჰემთან" მატჩში მიიღო ტრავმა და წინასწარი პროგნოზით ბოქსინგ დეიზე უნდა დაბრუნებულიყო, მაგრამ გამომდინარე იქიდან, რომ მოურინიომ განაცხადა, ყველა მზად არის სათამაშოდ შოუს გარდაო, სომეხიც მოიაზრება ხელმისაწვდომთა შორის.

წყარო: manutd.com