"მანჩესტერ იუნაიტედის ფონდის" 17 წლის საფეხბურთო მწვრთნელმა დაუვიწყარი საშობაო საჩუქარი მიიღო, როცა თავის კუმირს, პოლ პოგბას შეხვდა.

ჟოაო "ქუჩის წითლების" პროგრამას ასწავლის ახალგაზრდებს და კარინგტონზე მიწვევისას იფიქრა, რომ ერთ-ერთი სამწვრთნელი სესიის გავლა მოუწევდა, მაგრამ მას მსოფლიოს ყველაზე ძვირადღირებული ფეხბურთელი შეახვედრეს.

ჟოაომ ასეთი საჩუქარი თავისი თავდაუზოგავი შრომით დაისმახურა, პოგბას შესახებ კი ძალიან ხშირად ლაპარაკობს და მას თავის გმირს, კერპსა და საყვარელ ფეხბურთელს უწოდებს. დარტყმის დროს ხშირად მის სახელსაც კი ახსენებს.



პოგბასთან შეხვედრის შემდეგ ჟოაომ თავისი ნიჭი ფრანგსაც დაუმტკიცა, რითაც პოლის შექება დაიმსახურა, თუმცა პოგბა მისგან აღნიშვნას ელოდა და ურჩია, მომავალში "PogBoom" ყოფილიყო. პასუხად კი ჟოაომ ისურვა, რომ ოდესმე პოგბას მსგავსად შეძლოს თამაში.

ჟოაომ პოგბასგან რამდენიმე რჩევა მიიღო, საუბრის დასასრულს კი შეთანხმდნენ, რომ ერთ დღეს ერთმანეთს ვიდეო თამაშ FIFA-ს ეთამაშებოდნენ.