ენტონი მარსიალი აღნიშნავს, თუ როგორი გავლენა მოახდინა ზლატან იბრაჰიმოვიჩის ყოფნამ "მანჩესტერ იუნაიტედის" გასახდელ ოთახზე, განსაკუთრებით კი ახალგაზრდა ფეხბურთელებზე.

იბრაჰიმოვიჩი გუნდის წამყვანი ბომბარდირია 16 გოლით, რისთავისაც მას 25 მატჩის ჩატარება დასჭირდა, მარსიალი კი აცხადებს, რომ 35 წლის ფორვარდი არა მარტო მოედანზე ახერხებს თანაგუნდელების დახმარებას, არამედ მის ფარგლებს გარეთაც.

"ის უმაღლესი დონის მოთამაშეა და ვერაფერში დავეხმარებით, მაგრამ მისგან კი შეგვიძლია ვისწავლოთ, როცა მასთან ერთად ვთამაშობთ, ვვარჯიშობთ, როცა ვუყურებთ რას აკეთებს და რას აკეთებდა.

მისი ასაკისდა მიუხედავად ჩვენს გუნდს დაუჯერებელ დახმარებას უწევს; ვიმედოვნებთ, რომ ასევე ასპარეზობას განაგრძნობს, რადგან ეს სატურნირო ცხრილში მაღლა ასვლაში გვეხმარება, რაც ჩვენი მიზანია", - განაცხადა ფრანგმა.

იბრაჰიმოვიჩის გოლები მნიშვნელოვანი ფაქტორი იყო "იუნაიტედის" 10-მატჩიან წაუგებელ სერიაში, თუმცა ბოლო დროინდელი თამაშის გამო მთელი გუნდი იმსახურებს შექებას.

"გუნდში დიდი გამოცდილებაა და ერთად შეგვიძლია ვაჩვენოთ, თუ რის გაკეთება შეიძლება პროგრესისათვის.

ოთხეულამდე ახლა სულ რამდენიმე ქულა გვაშორებს და ეს უნდა აღმოვფხვრათ, მაგრამ ჩვენზეა დამოკიდებული ჩვენი კარგი სათამაშო ფორმის შენარჩუნება და უფრო მეტი გამარჯვების მოპოვება.

თითოეულ მატჩს ცალ-ცალკე უნდა მივუდგეთ, მაგრამ თუკი ასევე ვითამაშებთ და ცოტა უფრო მეტ გოლსაც გავიტანეთ, ვინ იცის რა მოხდება სეზონის ბოლოს ტიტულების მხრივ", - დაასრულა მარსიალმა.

წყარო: manutd.com