იტალიური "ფიორენტინას" ვინგერით, ფედერიკო ბერნარდესკით ინგლისური გრანდები, ლონდონის "ჩელსი" და "მანჩესტერ იუნაიტედი" არიან დაინტერესებულნი.

იტალიელი ტალანტი ფიორენტინაში 2013 წლიდან ირიცხება. მას ამჟამად "იისფერების" მაისურით 50_ზე მეტი მატჩი აქვს ჩატარებული. 22 წლის ვინგერმა ამ სეზონში 7 გოლი გაიტანა და იგი კარგ ფორმაში იმყოფება.

იტალიელ გარემარბს "ფიორენტინასთან" თანამშრომლობა 2019 წლამდე აკავშირებს, თუმცა არაა გამორიცხული რომ მან კლუბი ნაადრევად დატოვოს და სათამაშოდ ინგლისში გადაბარგდეს. "ჩელსისა" და "იუნაიტედის" სკაუტები უკვე რამდენიმე კვირაა იტალიაში იმყოფებიან და 22 წლის ტალანტს აკვირდებიან. ფედერიკოს აგენტი ადასტურებს სხვა კლუბებისგან მიღებულ ინტერესს.

რაც შეეხება კლუბის დამოკიდებულებას ამ ტრანსფერის მიმართ, მათ მოსწონთ ფედერიკოს ამჟამანდელი სათამაშო ფორმა და არ სურთ მისი გაშვება. თუმცა თუ "ფიორენტინა" სხვა კლუბებისგან სარფიან წინადადებას მიიღებს, ისინი მზად იქნებიან ბერნარდესკის გასაშვებად.

წყარო: Talk Sport