"მანჩესტერ იუნაიტედის" ნახევარმცველმა ჰენრიხ მხითარიანმა ნაადრევად მიიღო საშობაო საჩუქარი, როცა მეშვიდედ დაასახელს სომხეთის წლის საუკეთესო ფეხბურთელად.

27 წლის ფეხბურთელმა შესაძლო 250 ქულიდან 245 აიღო და მეორე ადგილზე გასულ გევორგ ღაზარიანსა და მარკოს პიცელის აჯობა.

მხითარიანმა ზედიზედ მეექვსედ მოიგო აღნიშნული ჯილდო, წინა წლებში კი ეს დონეცკის "შახტიორისა" (2011, 2012) და დორტმუნდის "ბორუსიას" (2013, 2014, 2015) ასპარეზობისას გააკეთა. პირველად კი 2009 წელს დაასახელეს სომხეთის საუკეთესო ფეხბურთელად, როცა "პიუნიკ ერევანის" შემადგენლობაში გამოდიოდა.

"ვამაყობ, რომ მეშვიდეჯერ მოვიგე სომხეთის წლის საუკეთესო ფეხბურთელის ჯილდო. მადლობა სომხეთის საფეხბურთო ფედერაციას, ჩემს კლუბებს, ჩემს გულშემატკივრებს და მედიის წარმომადგენლებს ჩემდამი რწმენისათვის. მთელი ჩემი ცხოვრება ფეხბურთს მივუძღვენი და საოცარ მწვერვალს მივაღწიე, ჯერ კიდევ მგონია, რომ უფრო მეტ ისტორიას შევქმნი "მანჩესტერ იუნაიტედისთვის" და სომხეთისთვის, ქვეყნისთვის, რომელსაც ვეთაყვანები და რომელზეც ყოველთვის ვფიქრობ", - განაცხადა მხითარიანმა.

წყარო: manutd.com