ჟოზე მოურინიო "მანჩესტერ იუნაიტედის" შესანიშნავი შედეგების შენარჩუნებას ეცდება ბოქსინგ დეიზე, როცა დევიდ მოიესი თავის "სანდერლენდს" "ოლდ ტრაფორდზე" ჩაიყვანს.

"წითლებმა" საფესტივალო დღეს გამართული ბოლო 20 მატჩიდან 18 მოიგეს, ჩვენს ვიდეოკოლაჟში კი სამ მათგანს გიჩვენებთ.

2008: "სტოკი" 0-1 "მანჩესტერ იუნაიტედი"

ხუთი დღე გავიდა მას შემდეგ, რაც იოკოჰამაში მსოფლიო ჩემპიონობა მოვიპოვეთ, სერ ალექს ფერგიუსონის გუნდი მიწაზე დაეშვა და პრემიერ ლიგაში დაბრუნდა. ხმაური და შფოთი გარეთ, გამაყრუებელი ატმოსფერო შიგნით, "ბრიტანი სტედიუმი" და მისი მკვიდრები სერ ალექს ფერგიუსონის ფეხმარდ "წითლებს" დახვდა. სერ ალექს ფერგიუსონმა თავისი გუნდი გამოცდილებით დატვირთა - სასტარტო შემადგენლობაში ნევილი-სქოულზი-გიგზის ტრიო დაასახელა 21 თვის განმავლობაში პირველად. მას შემდეგ, რაც "მეთუნუქეების" სტანდარტულებმა არ გაჭრა და ენდი უილკინსონმა უხეშად თამაშის გამო წითელი ბარათი დაიმსახურა, "იუნაიტედის" კლასმა თავისი შედეგი გამოიღო და კარლოს ტევესმა მატჩის მიწურულს გატანილი გოლით მასპინძლები დაადუმა. "იმედი მაქვს, უკან რომ მოვიხედავთ, ვიტყვით, ტომ საოცარი გამარჯვება იყო", ღიმილით თქვა ფერგიუსონმა, რომელმაც ზედიზედ მესამედ მოიგო პრემეირ ლიგა იმ წელს.

2012: "მანჩესტერ იუნაიტედი" 4-3 "ნიუკასლ იუნაიტედი"

მე-20 ტიტულის მოპოვებისკენ მიმავალ გზაზე ალან პარდიუს "ჯორდებს" თუ ხვდები და თანაც ბოქსინგ დეიზე, საკმაოდ გქონია სანერვიული მიზეზი. სანამ წელი დასრულდებოდა, "წითლებმა" ყველა ტურნირზე ზედიზედ 10 გამარჯვება მოიპოვეს და მე-11 უკვე საფრთხის წინაშე დადგა, როცა პირველებმა გაუშვეს გოლი. ორივე გუნდი შეერკინა ერთმანეთს და ჯეიმს პერჩის გოლის სტუმრები დაწინაურდნენ, თუმცა ჯონი ევანსმა მალე გაათანაბრა ანგარიში, მოგვიანებით კი საკუთარ კარში გაიტანა და სტუმრები კვლავ დააწინაურა. პატრის ევრას დაბალ დარტყმულს პაპის სისემ უპასუხა, რის შემდეგაც რობინ ვან პერსიმ წონასწორობა კვლავ აღადგინა. მასპინძლები გამარჯვების მოპოვებას ესწრაფვოდნენ და რამდენიმე შანსი გაუშვეს ხელიდან, მაგრამ ხავიერ ერნანდესის მიერ ბოლო წუთებზე გატანილი გოლით "ოლდ ტრაფორდი" გაგიჟდა. "ნეტავ სეზონის ბოლო მატჩი იყოს", - დასძინა სერ ალექსმა.

2013: "ჰალ სიტი" 2-3 "მანჩესტერ იუნაიტედი"

"იუნაიტედის" საფირმო ქამბექები თან გაჰყვა პენსიაში გასულ სერ ალექს ფერგიუსონს, მაგრამ დევიდ მოიესის გუნდმა "ქეი-სი სტედიუმზე" სამი ქულის აღება სწორედ ასეთ სტილში შეძლო. სტივ ბრიუსის მიერ გაწვრთნილი "ჰალი" საათის მეოთხედ ნაწილში უკვე 2 ბურთი სხვაობით იგებდა, მაგრამ ტაიმის დასრულებამდე უეინ რუნი და კრის სმოლინგმა წონასწორობა აღადგინეს. მოგვიანებით კი ჯეიმს ჩესტერმა, პირველი გოლის ავტორმა საკუთარ კარში ჩაჭრა ბურთი და "წითლებმა" გაიმარჯვეს. "10 წუთში 2-0 ანგარიშიც რომ იყოს, ასეთ რამეს ყოველთვის დავთანხმდებოდი", თქვა მოიესმა.