იტალიელი სატრანსფერო ექსპერტი ფაბრიციო რომანო ამტკიცებს, რომ "იუვენტუსი" ხელს არ შეუშლის პრემიერ ლიგის გრანდებს ფრენკ კესის შეძენაში.

კოტ დ'ივუარელი ფეხბურთელი იტალიის სერია A-ს ერთ-ერთ ყველაზე გამორჩეულ ახალგაზრდა ფეხბურთელად ითვლება და მან თავისი კარიერის პირველ სრულ სეზონში უკვე გაიტანა ექვსი გოლი და გააკეთა ორი საგოლე გადაცემა.

მიუხედავად ასეთი წარმატებული სტატისტიკისა, "ბაინკონერი" 20 მილიონ ევროზე მეტს არ იხდის 19 წლის ნიჭიერ ნახევარმცველში, ხოლო "ტოტენჰემა" "ატალანტას" უკვე შესთავაზა 23 მილიონი "ჩეზენას" ყოფილი ფეხბურთელის სანაცვლოდ.

"იუვენტუსი" არ აპირებს ფინანსურ ბრძოლაში შესვლას, მითუმეტეს, რომ ფეხბურთელის შეძენით "ჩელსი", "მანჩესტერ იუნაიტედი" და "არსენალიც" ინტერესდებიან, რომლებიც არა იანვარში, არამედ სეზონის ბოლოს ეცდებიან კესის გადაბირებას.

კესის ნაცვლად, იტალიური გრანდი აქსელ ვიტსელის შეძენას აპირებს, ამიტომ პრემიერ ლიგის კლუბებს თავისუფლად შეეძლებათ კონკურენციის ერთმანეთისთვის გაწევა.

წყარო: calciomercato