ჟოზე მოურინიო მიიჩნევს, რომ ზლატან იბრაჰიმოვიჩმა დაამტკიცა თავისი შესაძლებლობები "მანჩესტერ იუნაიტედში".

35 წლის ფორვარდმა მიმდინარე სეზონში "წითელი ეშმაკების" რიგებში 16 გოლი გაიტანა, უკანასკნელი მათგანი კი "ვესტ ბრომთან" შეხვედრაში.

2011/2012 წლების სეზონის დაწყებიდან დღემდე კი შვედმა 170 მატჩი ჩაატარა და 100 გოლი გაიტანა. ამ მაგალითების საფუძველზე მოურინიომ მას შეუცვლელი ფიგურა უწოდა უკანასკნელი მატჩის წინ, მატჩის შემდგომ კი სუპერმენად დაახასიათა.

"მისით ისეთი მოხიბლული ვარ! ის იმ მოთამაშეთა ტიპს მიეკუთვნება, ვისაც არავისთვის არაფერი აქვს დასამტკიცებელი, მაგრამ გადმოვიდა რა პრემიერ ლიგაში, ყველაზე რთულ ჩემპიონატში, თავისი სუპერმენული მენტალიტეტი დაამტკიცა.

რასაც ის აკეთებს, ფანტასტიკაა. ნებისმიერი 25 წლის თავდამსხმელი იოცნებებდა 35 წლის ასაკში პრემიერ ლიგაში ასე თამაშს.

უნდა დავასვენო და უკვე აღარ გვაქვს 48 საათის შემდეგ შეხვედრა, თუმცა არა მარტო მას სჭირდება დასვენება", - განაცხადა პორტუგალიელმა.

წყარო: goal.com