ზლატან იბრაჰიმოვიჩი დროებით ისვენებს ფეხბურთისგან და თავისი გოლების შემდეგ "მანჩესტერ იუნაიტედის" პატარა გულშემატკივარს საშობაო საჩუქარს უძღვნის.

დასასრულს კვირისა, რომლის განმავლობაშიც იბრაჰიმოვიჩმა "კრისტალ პალასსა" და "ვესტ ბრომთან" გატანილი გოლებით თავისი გოლების რაოდენობა 16-მდე აიყვანა, "მანჩესტერ იუნაიტედის ფონდის" ერთ-ერთი პარტნიორი სკოლის მოსწავლეს, ლიამს უმასპინძლა.

ლიამი ფიქრობდა, რომ კარინგტონზე იგი სკოლაში თავისი კარგი საქციელის გამო მიიწვიეს და სულ ეს იყო, მაგრამ როცა ვიზიტის ნამდვილი მიზეზი გაიგო, გაოცებული დარჩა - ლიამი "იუნაიტედის" თავდამსხმელს შეხვდა და მისგან მაისურიც ერგო.

როგორც აღმოჩნდა, ლიამი საფეხბურთო სკოლაში მცველად თამაშობს, რის შესახებაც იბრაჰიმოვიჩმა უთხრა: "ჩემი გაჩერება მოგიწევს, მაგრამ იჩქარე, ფეხბურთში ბევრი დრო აღარ დამრჩა. სხვა ფეხბურთელებს შეხვდი? თუმცა, ჩემ შემდეგ აღარავის ნახვა აღარ გჭირდება".