"მანჩესტერ იუნაიტედის" თავდამსხმელმა ზლატან იბრაჰიმოვიჩმა განაცხადა, რომ ფეხბურთის თამაშს მაშინაც კი შეძლებს, როცა 50 წლის იქნება.

35 წლის ფორვარდის პრემიერ ლიგაში მოსვლის შემდეგ საფეხბურთო სფეროში ჩართულ ზოგიერთ პირს მიაჩნდა, რომ შვედი ფორვარდი ინგლისში კარიერის დასასრულებლად გადავიდა, მაგრამ ზლატანი თავისი შესაძლებლობებით სრულიად სხვას ამტკიცებს.

იბრაჰიმოვიჩმა შესაძლო 27 მატჩიდან 25 ჩაატარა და 16 გოლი გაიტანა, რაზე დაყრდნობითაც მიაჩნია, რომ ასაკი მას მხოლოდ უკეთესს ხდის.

"რაც უფრო ასაკში შევდივარ, მით უკეთესი ვხდები. როგორც წითელი ღვინო. გიყვართ წითელი ღვინო? ამის შესანიშნავი მაგალითი ვარ.

ჯერ კიდევ ვეჩვევი აქაურობას და თავს ბედნიერებად, კარგად ვგრძნობ. მიუხედავად იმისა, რომ 35 წლის ვარ, თავს 20 წლის ბიჭად ვგრძნობ. ვფიქრობ, 50 წლის ასაკშიც კი ვითამაშებ", - განაცხადა იბრაჰიმოვიჩმა.

შვედი ფორვარდი შეაქო ბენ ფოსტერმაც, რომელსაც იბრაჰიმოვიჩმა შაბათს ორი გოლი გაუტანა.

"ჰაერში კარგია, ფეხებით კარგად თამაშობს, ძლიერია. მეორე გოლს დააკვირდით, მოთამაშეთა უმრავლესობა პასისთვის ადრისეტას მოძებნიდა, ის კი მცველებს შორის გავიდა და უბრალოდ ბურთი კარში მოათავსა. რამდენი წლისაა? 35? ღმერთო, ის ხომ დიდებულია. ასეთ რამეებს მხოლოდ იმის ხარჯზე ვერ გააკეთებ, რომ პატარა ხარ".

წყარო: thesun