პრემიერ ლიგის მე-17 ტურის შეხვედრაში "მანჩესტერ იუნაიტედი" "ვესტ ბრომვიჩს" დაუპირისპირდა. მოურინიოს გუნდმა ზედიზედ მესამე გამარჯვების მოპოვება შეძლო.

"წითელმა ეშმაკებმა" ზლატან იბრაჰიმოვიჩის დუბლის წყალობით იმარჯვეს. შვედმა ჯერ მე-5 წუთზე თავური დარტყმით აიღო მეტოქის კარი, ხოლო მეორე გოლი 56-ე წუთზე გაიტანა და მატჩის საბოლოო ანგარიში, 0-2 დააფიქსირა.

მოურინიო: "ვფიქრობ, უკეთესად ვითამაშეთ, ვიდრე "კრისტალ პალასთან", რადგან მათთან მცირე პერიოდი გვქონდა მეორე ტაიმში, როცა მატჩის სადავეები ხელიდან გავუშვით. დღეს კი, არა. დღეს მთელი 90 წუთის განმავლობაში ვაკონტროლებდით მატჩს, რაც ძალიან, ძალიან რთულია. ფეხბურთელები ფენომენალურად გამოიყურებოდნენ. დიდებულად ორგანიზებული და ასევე ფიზიკურად და მენტალურად ძლიერები იყვნენ, ამიტომაც ძალიან მოხარული ვარ ფეხბურთელებით და შედეგით, ასევე იმითაც, რომ გულშემატკივარი შობას უკეთესის მოლოდინში შეხვდება."

"ვესტ ბრომვიჩი" - "მანჩესტერ იუნაიტედი" 0-2

გოლები: იბრაჰიმოვიჩი (5', 56')
გაფრთხილებები: დოუსონი, რონდონი, ბრანტი – იბრაჰიმოვიჩი, ლინგარდი, როხო
სტადიონი: "ჰოთორნსი", ვესტ ბრომვიჩი
მონაცემი: ინგლისის პრემიერ ლიგა, მე-17 ტური
თარიღი: შაბათი, 17 დეკემბერი, 2016 წელი
მთავარი მსაჯი: ენტონი ტეილორი

შემადგენლობები:

ვესტ ბრომვიჩი: ფოსტერი, ოლსონი, მაკოლი, დოუსონი (მორისონი 74'), ნიომი, იაკობი, დ.ფლეტჩერი, ჩადლი (ლეკო 82'), ფილიპსი (რობსონ-კანუ 81'), ბრანტი, რონდონი.

მანჩესტერ იუნაიტედი: დე ხეა, როხო, ჯონსი, ვალენსია, დარმიანი, კერიკი, ერერა (სმოლინგი 92'), პოგბა, ლინგარდი (რეშფორდი 77'), რუნი (ფელაინი 84'), იბრაჰიმოვიჩი.