"მანჩესტერ იუნაიტედის" ვინგერმა ჯესი ლინგარდმა თავისი თანაგუნდელი ზლატან იბრაჰიმოვიჩი შეაქო.

"ვესტ ბრომთან" მატჩში, რომელიც "წითელმა ეშმაკებმა" 2-0 მოიგეს, შვედმა ფორვარდმა დუბლი შეასრულა და თავის გუნდს პრემიერ ლიგაში ზედიზედ მესამე გამარჯვება მოუტანა.

როცა მატჩის საუკეთესო ფეხბურთელის შესახებ ჰკითხეს, ლინგარდმა უპასუხა: "ბუნებრივად გოლეადორია. კარგად ჩანდა მის მიერ გატანილი გოლების მაგალითზე.

ძალიან ადვილია მასთან ერთად თამაში, რადგან დიდებულ ჩარბენებს აკეთებს და მას ადვილად უკავშირდები".

მატჩში ანგარიში მეხუთე წუთზე გაიხსნა და ამაში ლინგარდმაც მიიღო მონაწილეობა თავისი საგოლე გადაცემით.

"მწვრთნელმა მითხრა, რომ სივრცეები მომეძებნა, ამიტომაც შევირბინე, თავი მაღლა ავწიე და ზლატანი დავინახე საჯარიმოში, რომელმაც დიდებულად დაასრულა თავურით".

ფორვარდმა "ვესტ ბრომის" მცველები ფიზიკურადაც დაჩაგრა.

"მათ მაღალი ბიჭები ჰყავთ, მაგრამ ამას გავუმკლავდით. ჩვენმა მცველებმა იცოდნენ, რომ ჰაერში ბურთის მოგება ძალიან რთული იქნებოდა ასეთი სიმაღლის მქონე ფეხბურთელებისთვის, მაგრამ მათ თამაშს ვუყურეთ და "მშრალი" მატჩი დავიმსახურეთ."

"წითლები" უკვე შვიდმატჩიანი წაუგებელი სერიით არიან პრემიერ ლიგაში და უფრო მეტის მოლოდინი აქვთ.

"უკვე რიტმში შევდივართ. ფეხბურთელები გვიბრუნდებიან და სრული შემადგენლობა გვყავს, ყველამ კარგად იცის თავისი როლი და ამჟამად თავიანთ საქმეს აკეთებენ".

გადატვირთული კვირის შემდეგ ფეხბურთელებს "ბოქსინგ დეიმდე" შეუძლიათ დასვენება და ლინგარდი "სანდერლენდთან" წარმატების მიღწევას იმედოვნებს.

"კარგ დროსაა. შეგვიძლია ოჯახებში დავისვენოთ. სამშაბათს ძალების აღდგენით დავბრუნდებით და "ბოქსინგ დეისთვის" მოვემზადებით".

წყარო: manutd.com