"ვესტ ჰემის" ნახევარმცველი, დიმიტრი პაიე, საუბრობს მის სავარაუდო გადაბარგებაზე, რომელსაც პრესის წარმომადგენლები "მანჩესტერ იუნაიტედთან" ერთად, კიდევ სხვა ბევრ გრანდ კლუბს უკავშირებენ.
ფრანგი შემტევი ნახევარმცველი, დიმიტრი პაიე ფრანგულ ჟურნალებთან ბევრს საუბრობს მის სამომავლო მიზნებზე და კარიერაზე. 29 წლის ფრანგი, "ჩაქუჩებს" 2015 წლის ივნისში, 10 მილიონ ევროდ შეუერთდა.
ამჟამად "ჩაქუჩები" ძალიან ცუდ სიტუაციაში იმყოფებიან, თუ მათი სათამაშო ფორმა ასე გაგრძელდა, დიდი ალბათობით ისინი "პრემიერ ლიგას" ჩამოსცილდებიან. ფრანგი ნახევარმცველით კი ჟოზე მოურინიოა დაინტერესებული.
„ახლა ამაზე არ ვფიქრობ და არც არის შესაფერისი დრო ამისთვის. ჩვენ ცუდ სიტუაციაში ვიმყოფებით და ვალდებულნი ვართ ეს სიტუაცია გამოვასწოროთ, კლუბის დატოვება ახლა არასწორი საქციელი იქნება. რათქმაუნდა, მე მაქვს ამბიციები ტიტულების მოგების მიმართ, მაგრამ ახლა არა. წინა სეზონი ჩემი კარიერის საუკეთესო პერიოდი იყო, ისევე როგორც საფრანგეთში, ასევე "ვესტ ჰემში". მე ახლა ვცდილობ სათამაშო ფორმა შევინარჩუნო და ისევ გავემგზავრო სათამაშოდ საფრანგეთთან ერთად, ამჯერად რუსეთში, 2018 წლის მსოფლიო ჩემპიონატზე“ - განაცხადა პაიემ.