გუშინ პრემიერ ლიგის მე-16 ტურის შეხვედრაში "კრისტალ პალასმა" "მანჩესტერ იუნაიტედს" უმასპინძლა. მოურინიოს გუნდმა ზედიზედ მეორე გამარჯვება მოიპოვა პრემიერ ლიგაში და უმნიშვლოვანესი 3 ქულა ჩაიწერა აქტივში.
ანგარიში პირველი ტაიმის დამატებით წუთებზე გაიხსნა, თავი პოლ პოგბამ გამოიჩინა. მასპინძლებმა ანგარიშის გათანაბრება 66-ე წუთზე მოახერხეს მაკარტურის გოლის წყალობით. 88-ე წუთზე სტუმრები კვლავ წინ გავიდნენ, პოგბას გადაცემით იბრაჰიმოვიჩმა ისარგებლა და საბოლოო ანგარიში, 1-2 დააფიქსირა.
მოურინიოს გუნდს 16 ტურის შემდეგ 27 ქულა აქვს და ოთხეულს 6 ქულა აშორებს. მომდევნო შეხვედრაში "წითელი ეშმაკები" 17 დეკემბერს, "ვესტ ბრომვიჩს" დაუპირისპირდებიან.
"კრისტალ პალასი" - "მანჩესტერ იუნაიტედი" 1-2
გოლები: პოგბა (45'), მაკარტური (66'), იბრაჰიმოვიჩი (88') სტადიონი: "სელჰარსტ პარკი", ლონდონი მონაცემი: ინგლისის პრემიერ ლიგა, მე-16 ტური თარიღი: ოთხშაბათი, 14 დეკემბერი, 2016 წელი მთავარი მსაჯი: კრეიგ პოუსონი