პოლ პოგბამ და ზლატან იბრაჰიმოვიჩმა ერთმანეთისთვის მიცემული საგოლე გადაცემებითა და გატანილი გოლებით "მანჩესტერ იუნაიტედს" ძალიან საჭირო სამი ქულა მოუპოვეს.
პოგბამ პირველი ტაიმის დასრულებამდე გახსნა ანგარიში, ჯეიმს მაკარტურმა კი წონასწორობა აღადგინა, რასაც 88-ე წუთზე იბრაჰიმოვიჩმა თავისი გოლი დაურთო და შეხვედრის საბოლოო ანგარიში დააფიქსირა.
პოგბა: "ვიცოდით, რომ ამ სტადიონზე გაგვიჭირდებოდა. დღეს ნამდვილად არა ვართ კმაყოფილებით ჩვენი გუნდის თამაშით, მაგრამ, იცით, ხანდახან კარგად ვერ თამაშობ, მაგრამ იმარჯვებ."
პოგბას გოლმა გარკვეული მითქმა-მოთქმა გამოიწვია, რადგან საგოლე გადაცემის გაკეთებისას ზლატანმა ამხტარი ბურთი ზლატანს ხელზე მოხვდა და ამის შემდეგ მიაწოდა ფრანგს.
იბრაჰიმოვიჩი აღნიშნავს: "ბურთი წინ გადავგზავნე პოგბას მისამართით, რადგან დავინახე, რომ თავისუფალი იყო. ბურთი ოდნავ შემეხო ხელზე და შემდეგ მუცელზე, მაგრამ სურათები უნდა ვნახო, რომ დავრწმუნდე"
"კრისტალ პალასთან" მატჩი სამი დღეს შემდეგ შედგა "ტოტენჰემთან" მოპოვებული გამარჯვებიდან, რამაც შეხვედრა თავისთავად გაართულა, მაგრამ პოგბა აღნიშნავს, რომ მისმა გუნდმა დამსახურებული გამარჯვება მოიპოვა. "მატჩი ორივენაირად შეიძლება წარიმართოს, მაგრამ ჩვენ მათზე მეტი შანსი შევქმენით. ასევე დავიდ დე ხეას ჰქონდა დიდებული სეივები".
იბრაჰიმოვიჩს უკვე რვა გოლი აქვს გატანილი ბოლო რვა მატჩში, მაგრამ მატჩის საუკეთესო ფეხბურთელის ჯილდო პოლ პოგბას გადაეცა, რის შესახებაც ზლატანი გაეხუმრა: "შეგიძლია დაიტოვო".