თუ ჩვენ ბრიტანულ გამომცემლობას, BBC_ის ვენდობით მაშინ, „ევერტონის“ ამჟამანდელ მთავარ მწვრთნელს რონალდ კუმანს, მორგან შნეიდერლინის და მემფის დეპაის შეძენა სურს.

„საუნთჰემპტონის“ ყოფილი მწვრთნელი, თავისი ყოფილი ფეხბურთელის დაბრუნებას ეცდება, მორგან შნეიდერლინმა ამ სეზონში მხოლოდ 11 წუთი გაატარა მინდორზე (პრემიერ ლიგა). მორგანი „მანჩესტერ იუნაიტედს“ 2015 წლის ივლისში, 25 მილიონ ევროდ შეუერთდა. ლუის ვან გაალის „მანჩესტერული“ კარიერის დასრულების შემდეგ, შნეიდერლინის კარიერაც საგრძნობლად შეიცვალა და დიდი ალბათობით ის „ევერტონს“ იანვარში შეუერთდება.

რაც შეეხება 22 წლის მემფის დეპაის, ის გუნდს 2015 წლის ზაფხულში, 31 მილიონ ევროდ შეუერთდა. მისი სათამაშო ფორმისგან გამომდინარე, მან ჟოზე მოურინიოს ნდობა დაკარგა და ბოლო დროს იგი გუნდის განაცხადშიც ვერ ახერხებს ადგილის მოპოვებას. ჰოლანდიელი ტალანტით „ევერტონის“ გარდა, იტალიური „რომა“ და სხვა გერმანული კლუბები არიან დაინტერესებულნი.

წყარო: BBC