ჟოზე მოურინიომ "მანჩესტერ იუნაიტედის" გულშემატკივარი შეაქო, მიუხედავად იმისა, რომ მათ მარუან ფელაინის გამოჩენა მოედნის კიდესთან სტვენით მიიღეს.

ფელაინი საჯარო კრიტიკის ობიექტი გახდა "ევერტონთან" მატჩში დაშვებული შეცდომის გამო, რომლის შედეგადაც "წითლებმა" "გუდისონ პარკზე" ორი ქულა დაკარგეს.

ბელგიელს აკრიტიკებდნენ ექსპერტები, "იუნაიტედის" ყოფილი ფეხბურთელები და გულშემატკივრებიც, მოურინიო კი მას იცავს და გამარჯვებას უძღვნის.

"ამ გამარჯვებას ფელაინის ვუძღვნი, სწორედ მას, რადგან წინა შეხვედრაში მის გამო დავკარგეთ 2 ქულა.

გულშემატკივართა რეაქცია მესმის, ისინი ხომ გულშემატკივრები არიან. მათგან ყველაფერი უნდა მიიღო და გაიგო, რადგან ისინი ძალიან ბევრს გასცემენ არც ისე ბევრის მიღების ფონზე. ისინი მხოლოდ პროფესიონალურ თავდადებას იღებენ, მაგრამ ნამდვილად არა იმ შედეგს, რომელსაც ელოდნენ.

მეხსირებაში აქვთ შეცდომა, რომელიც მარუანმა "ევერტონთან" დაუშვა და არა სხვა მიზეზი. ის ისეთი მოთამაშე და ადამიანია, როგორიც მომწონს, ადამიანობა კი უფრო მნიშვნელოვანია. ყოველთვის დავიცავ და ვენდობი", - განაცხადა პორტუგალიელმა.

წყარო: mirror