ანტონიო ვალენსიას მიაჩნია, რომ "მანჩესტერ იუნაიტედმა" არა მარტო მატჩები უნდა მოიგოს, არამედ ეს სანახაობრივ სტილში უნდა გააკეთოს.

"ვფიქრობ, რა მატჩიც არ უნდა იყოს, "მანჩესტერ იუნაიტედს" ყოველთვის ევალება მაყურებლის გართობა. მხოლოდ ტიტულების მოგება არ კმარა, სანახაობრივი ფეხბურთიც უნდა ვითამაშოთ. სწორედ ამისთვის ვიბრძვით.

სანახაობრივ სტილში თამაშს ვცდილობთ და ამისთვის მაქსიმუმს ვაკეთებთ, რათა გულშემატკივარმა სტადიონი ბედნიერმა დატოვოს და სახლში კარგი ფეხბურთის ხილვის შემდეგ დაბრუნდეს.

პრემიერ ლიგის ნებისმიერი მატჩი სანახაობრივია და ჩვენი მიზანიც ეს არის. როცა მოედანზე გავდივართ, გონებაში მხოლოდ გამარჯვება, სამი ქულა და ამავდროულად კარგად თამაში გვიზის.

გავიმეორებ: ბოლო მატჩებში სწორედ ამას ვაკეთებთ. გულშემატკივარს ჩვენი თამაშით ვართობდით და კარგ ფეხბურთს ვუჩვენებდით.

კვირას კი ასე უნდა გაგრძელდეს და სამი ქულა ავიღოთ", - განაცხადა ვალენსიამ.

წყარო: goal.com