„მანჩესტერ იუნაიტედის“ თავკაცმა ჟოზე მოურინიომ, კოტ'დიუარელ ცენტრალურ მცველზე, ერიკ ბაიიზე ისაუბრა. როგორც ცნობილია ერიკი იანვარში გუნდს ვერ დაეხმარება, ვინაიდან ის „აფრიკის ეროვნულ თასზე“ გაემგზავრება.
„ვნახოთ რა იქნება. იანვრამდე დრო ჯერ კიდევ არის. ლაზარეთიდან დაბრუნდა კრის სმოლინგი და ვფიქრობ ის მშვენივრად შეძლებს ერიკის სამუშაოს შესრულებას. ამასთან ერთად ფილ ჯონსიც და მარკოს როხოც მზად არიან სათამაშოდ.“
„ჯერჯერობით მთავარი საფიქრალი დეკემბრის თვეა, ჩვენ ბევრი მატჩი გვაქვს ჩასატარებელი, კარგია რომ ასეთ პერიოდში გუნდში ერიკი მეყოლება.“ - განაცხადა ჟოზემ.
ინგლისელი ცენტრალური მცველი კრის სმოლინგი, ჩელსისთან განადგურების შემდეგ (4-0) იგი შემადგენლობაში აღარ გამოჩენილა ვინაიდან მან მცირე დაზიანება მიიღო. თუმცა ჟოზეს თქმით ის უკვე მზად არის სათამაშოდ.