"მანჩესტერ იუნაიტედის" მთავარი მწვრთნელი სერ ალექს ფერგიუსონი იმედოვნებს,რომ შოტლანდიელი ნახევარმცველი დარენ ფლეტჩერი ივლისში დაბრუნდება.
დარენ ფლეტჩერმა ოპერაცია გაიკეთა წყლულოვან კოლიტზე და სწორედ ამის გამო ის მიმდინარე სეზონს დარჩენილ ნაწილს გამოტოვებს,მაგრამ "მანჩესტერ იუნაიტედის" მთავარი მწვრთნელი სერ ალექს ფერგიუსონი იმედოვნებს,რომ ფლეტჩერი კიდევ ერთ სასწაულს მოახდენს და ისევ დაუბრუნდება თავის კარიერას.
"დარენ ფლეტჩერის დაბრუნება ჩვენთვის ძალიან მნიშვნელოვანია.ის აქამდე ყოველთვის კარგად ასრულებდა თავის მოვალეობას და მას ჯერ კიდევ შეუძლია დახმარება გაგვიწიოს.მას დიდი გამოცდილება უმაგრებს ზურგს და ჩვენი ახალგაზრდა თაობისთვის მისი დაბრუნება დადებითად იმოქმედებს,როდესაც ის დაბრუნდება და მე იმედი მაქვს,რომ ეს აუცილებლად მოხდება მას გუნდში განსაკუთრებული როლი ექნება." - განაცხადა სერ ალექსმა.
"პირველი ოპერაციის შემდეგ,როდესაც ის დაბრუნდა ჩვენთან ეს ნამდვილი სასწაული იყო,მაგრამ ჩვენ ამის გვჯეროდა და იმედი მაქვს იგივე მოხდება ეხლა და ივლისში დარენს ისევ "მანჩესტერ იუნაიტედის" მაისურით ვიხილავთ.ის ყველანაირად ცდილობს გაუმკლავდეს ამ დაავადებას.იმედია ეს ოპერაცია მოაგვარებს მის პრობლემებს.დარენს აქვს ფანტასტიური ხასიათი და თუ მას ერთი სიტყვით ავღწერთ ის უბრალოდ ბრილიანტი ადამიანია.ის ყოველთვის აჩვენებს თავის მაქსიმუმს და სწორედ ეს არის დასაფასებელი." - განაცხადა სერ ალექსმა პრესკონფერენციაზე.