"მანჩესტერ იუნაიტედის" ნახევარმცველი ჰენრიხ მხითარიანი და მცველი ერიკ ბაიი ევროპა ლიგის კვირის სიმბოლურ გუნდში მოხვდნენ.

სომეხმა ნახევარმცველმა "ზარიასთან" მატჩი "იუნაიტედის" სასტარტო შემადგენლობაში დაიწყო და თავისი პირველი გოლი გაიტანა "ოლდ ტრაფორდის" მკვიდრთა რიგებში. სწორედ მისი გოლით გაიხსნა შეხვედრაში ანგარიში, რამაც "წითლებს" პლეი-ოფის საგზური მოუპოვა, ჰენრიხ მხითარიანი კი მატჩის საუკეთესო ფეხბურთელად დასახელდა.

ერიკ ბაიიმ კი ხანგრძლივი უქმობის შემდეგ პირველი მატჩი ჩაატარა "იუნაიტედის" რიგებში და როგორც ხშირად ხდებოდა მიმდინარე სეზონში, ამ მატჩშიც გამორჩეული იყო დაცვის ცენტრში. მისი ძალისხმევის შედეგად "იუნაიტედმა" კარის "მშრალად" შენახვა მოახერხა.