კრის სმოლინგი და ლუკ შოუ კვლავ ვერ მოახერხებენ მოედანზე გასვლაы "ტოტენჰემთან" მატჩში, მაგრამ ერიკ ბაიიმ ოქტომბრის შემდეგ თავისი პირველი მატჩი შეიძლება ჩაატაროს პრემიერ ლიგაში.

"ჩელსისთან" მიღებული ტრავმის განკურნების შემდეგ აფრიკელი მცველი ევროპა ლიგის მატჩში ლუგანსკის "ზარიას" წინააღმდეგ გამოვიდა და დამაჯერებლად გამოიყურებოდა.

როცა მოურინიოს ინგლისელ მცველთა წყვილის შესახებ ჰკითხეს, მოახერხებდნენ თუ არა ისინი თამაშს მომდევნო მატჩში, მან უპასუხა: "არა, კვირას არა", მაგრამ დაადასტურა, რომ ერიკ ბაიისთან დაკავშირებით არავითარი პრობლემა არ არსებობს.

ბაიი მომდევნო თვეში აფრიკის თასზე გაემგზავრება, რათა თავისი ქვეყნის ნაკრებს წარმატების მიღწევაში დაეხმაროს, ამ მოვლენას კი მოურინიო დიდ დანაკარგს უწოდებს.

"იმედი ვიქონიოთ, რომ ამ დროს სმოლინგი გამოჯანმრთელდება და ბაიის ჩანაცვლებას შეძლებს, რადგან ამდენი მატჩის ფონზე ფეხბურთელები ნამდვილად გვჭირდება. ამჟამად ჩვენ ფილ ჯონსი, ბაიი და მარკოს როხო გვყავს დაცვის ცენტრში. მატჩებს კი "ტოტენჰემის", "ვესტ ბრომისა" და "რედინგის" წინააღმდეგ ჩავატარებთ - ამ პერიოდში ბევრი მატჩი გვექნება და ფეხბურთელების ფორმაში ყოფნა ძალიან მნიშვნელოვანია", - განაცხადა პორტუგალიელმა.

მარჯვენა მცველებს მატეო დარმიანსა და ანტონიო ვალენსიას, ისევე, როგორც "დეზების" ყოფილ ნახევარმცველ მაიკლ კერიკს არ ჩაუტარებიათ მატჩი შუა კვირაში და მეტიც, ისინი უკრაინაში გუნდს არ გაჰყოლიან, თუმცა მათ ტრავმები არ აქვთ. შესაძლოა, ტრავმა ჰქონდეს ხუან მატას, რომელიც "ჩერნომორეცის" სტადიონზე გამართული მატჩის შეცვლაზე გასვლისას რაღაცას განიხილავდა, მეკარის პოზიციას კი სავარაუდოდ დავიდ დე ხეა დაიკავებს, რომელიც სერხიო რომეროს ჩაანაცვლებს.

უეინ რუნიმ დისკვალიფიკაცია მოიხადა და მასაც შეუძლია შიდა ჩემპიონატში ასპარეზობა "ტოტენჰემის" წინააღმდეგ, რომელსაც ბოლო პერიოდში ხშირად უტანს გოლს.

"მისგან ბევრ გოლს ველით, მაგრამ ჩვენ საერთოდ ყველასგან ველით მეტ გოლს. ალბათ, ზლატანია მთავარი გოლეადორი, მაგრამ ალბათ, როგორც მთავარმა ფორვარდმა, უნდა გაიტანოს კიდეც მეტი გოლი", - დაასრულა პორტუგალიელმა.

წყარო: manutd.com