"ზარიას" მთავარი მწვრთნელისთვის ჟოზე მოურინიოს შესაძლოა, მსოფლიოს საუკეთესო მწვრთნელი იყოს, მაგრამ ეს უკანასკნელი ამ მოსაზრებას არ ეთანხმება და მეტიც, ფიქრობს, რომ მსოფლიო ფეხბურთს საუკეთესო მწვრთნელი არ ჰყავს.
იური ვერნიდუბმა საქებარი სიტყვები არ დაიშურა "წითელი ეშმაკების" მთავარი მწვრთნელის მისამართით და მას თავისი საყვარელი მწვრთნელიც უწოდა, თუმცა პორტუგალიელი, რომელიც 2010 წლის საუკეთესო მწვრთნელაც დასახელდა, ფიქრობს, რომ ამ წოდებისგან ძალიან შორს იყო. "კარგია ამის თქმა. მაგრამ არა მგონია, მართალი იყოს - ასეთი რამ არ არსებობს. მსოფლიოში საუკეთესო მწვრთნელი არ არსებობს, ჩემი აზრით.
FIFA-ს ოქროს ბურთს ყოველ სეზონში ვიღაც იგებს, მაგრამ არა მგონია, ამის გამო საუკეთესო იყოს. შეიძლება თქვათ, რომ წლის საუკეთესო მწვრთნელი არსებობს და ამ მოსაზრებას დავეთანხმები. ყოველ წელს გვყავს მწვრთნელი, რომელმაც ყველაზე მნიშვნელოვან შედეგს მიაღწია. ასე რომ, მხოლოდ სასიამოვნოა და მეტი არაფერი.
ჩემგან ისიც იმას ისწავლის, რასაც მე მისგან. ყველა თამაშისგან ვსწავლობ. როცა რომელიმე გუნდის წინააღმდეგ ვთამაშობ, იმ გუნდს შევისწავლი ხოლმე და თამაშის დროს და მის შემდეგ გამოცნობას ვცდილობ, რაც უფრო ადვილია. დღეს თუ მექნება სწავლის შანსი, ასეც მოვიქცევი", - განაცხადა "იუნაიტედის" მთავარმა მწვრთნელმა.