"ზარიას" მთავარი მწვრთნელი იური ვერნიდუბი აცხადებს, რომ ჟოზე მოურინიო მისი საყვარელი მწვრთნელია და სიამოვნებით გაივლიდა სტაჟირებას "ოლდ ტრაფორდზე".

"მანჩესტერ იუნაიტედი" დღეს ევროპის ლიგის მატჩში უკრაინულ გუნდს დაუპირისპირდება და "ჩერნომორეტს" არენაზე ერთი ქულის აღებაც დააკმაყოფილებს ჯგუფიდან გასასვლელად.

"ზარიას" მთავარი მწვრთნელის თქმით, "მანჩესტერ იუნაიტედთან" დაპირისპირება მას აშინებდა.

"მანჩესტერ იუნაიტედთან" შეხვედრამდე მეშინოდა. უარყოფითად რომ გიპასუხოთ, თავს მოვიტყუებ. როცა გავიგე, "იუნაიტედს" შევხვდებოდით ჯგუფში, ჟრუანტელმა დამიარა. ამ ვარსკვლავური შემადგენლობის ხილვა, რომ არაფერი ვთქვათ მწვრთნელზე... არ მოგატყუებთ, მოურინიო ჩემი საყვარელი მწვრთნელია. ზუსტად ისეთ ფეხბურთს ათამაშებს, როგორიც მე მომწონს. მართალია, ისეთი ლამაზი არ არის, მაგრამ შედეგი მოაქვს, მოურინიომ ეს დაამტკიცა.

"მანჩესტერ იუნაიტედთან" შეთანხმებას თუ მოვახერხებ, სტაჟირებას სიამოვნებით გავივლი იქ, თუმცა არც "მანჩესტერ სიტის", "არსენალისა" და "ლივერპულის" მიწვევაზე ვიტყოდი უარს. პირველ ადგილზე კი "მანჩესტერ იუნაიტედია". ძალიან საინტერესო იქნებოდა ჟოზე მოურინიოსთან პირისპირ საუბარი. იქნებ გამიმხილოს, როგორ უნდა მიაღწიო შედეგს. თუ გამოვა, ძალიან ბედნიერი ვიქნები", - განაცხადა "ზარიას" მწვრთნელმა.