ანდრეას პერეირას მოურინიოსთან ხშირი კონტაქტი აქვს.
ანდრეას პერეირა აცხადებს, რომ ჟოზე მოურინიოს მასთან რეგულარული კონტაქტი აქვს და საჭიროების შემთხვევაში, "ოლდ ტრაფორდზე" დასაბრუნებლად მზადაა.
20 წლის პერეირა იჯარის წესით ასპარეზობს "გრანადას" რიგებში და მან უკვე მოახერხა პირველი გოლის გატანა "სევილიას" კარში, თუმცა ამისთვის 13 მატჩის ჩატარება დასჭირდა.
ლუი ვან გაალის ხელმძღვანელობისას პერეირამ 11 მატჩი ჩაატარა "იუნაიტედში", მაგრამ ჰოლანდიელის ადგილი ჟოზე მოურინიომ დაიკავა, რომელმაც პერეირა გაანათხოვრა.
"მატჩების შემდეგ რეგულარულად მეკონტაქტება და მესაუბრება. "მანჩესტერ იუნაიტედს" თუ დავჭირდები, ყოველთვის მზად ვარ.
მიუხედავად იმისა, რომ კლუბი პრობლემებს განიცდის, ესპანეთში კარგი გამოცდილება მივიღე. ყოველ მატჩში ვვითარდებით და ბოლო ორმა შეხვედრამ აჩვენა, რომ სწორი გეზი გვაქვს აღებული.
აქ მატჩების ჩასატარებლად მოვედი და ტოპ-ჩემპიონატში გამოცდილებას რომ მივიღებ, უკან დავბრუნდები და ადგილისთვის ვიბრძოლებ", - განაცხადა ბრაზილიელმა.
წყარო:
skysports