"მანჩესტერ იუნაიტედი" შეტევაში განსაკუთრებით გამოირჩა გასულ თვეში, სამმა სხვადასხვა ასაკობრივმა გუნდმა ჯამში 33 გოლი გაიტანა.
"მანჩესტერ იუნაიტედის" ოფიციალური ვებ-გვერდი კი 10 საუკეთესოს გვთავაზობს, რომელთა შორის ნოემბრის საუკეთესო გოლი უნდა შეირჩეს.
ზლატან იბრაჰიმოვიჩმა ნოემბერში ორჯერ შეასრულა დუბლი - "სუონსის" კარში პრემიერ ლიგის ეგიდით და "ვესტ ჰემ იუნაიტედის" კარში ლიგის თასის ეგიდით - რომელთაგან თითო გოლი ნომინაციაზე წარდგა.
ორი გოლითაა წარდგენილი უეინ რუნიც, რომელმაც ორივე მათგანი ევროპის ლიგაზე გაიტანა: შორეული გასროლა "ფენერბაჰჩესთან" და მეკარისთვის თავზე გადაგდებული ბურთი "ფეიენოორდთან".
პირველი გუნდის დანარჩენ ოთხ გოლს კი პოლ პოგბას მიერ "ლიბერთი სტედიუმზე" შორეული დარტყმული, ხუან მატას ერთი შეხებით გატანილი გოლი "არსენალთან", ჯესი ლინგარდის გვიანდელი გოლი "ფეიენოორდის" კარში და "ვესტ ჰემთან" ენტონი მარსიალის დუბლის გამაფორმებელი გოლი წარმოადგენს.
სარეზერვო დონეს რაც შეეხება, აქ ჯო რაილის მიერ "ბრენტფორდის" კარში გატანილი ბურთი გამოირჩა, 18-წლამდელთა გუნდში კი ჯოშუა ბოჰის თავური.