"მანჩესტერ იუნაიტედის" ბევრმა გულშემატკივარმა მძიმე შეგრძნებები გამოსცადა, როცა "ევერტონთან" მატჩის 88-ე წუთზე მარუან ფელაინიმ დაუშვა შეცდომა, რომელსაც პენალტი და "წითლების" კარში გოლი მოჰყვა.

ფელაინიმ მოედანზე მხოლოდ სამი წუთი გაატარა, მაგრამ დროის სიმცირეს მისთვის ხელი არ შეუშლია ძალიან სახიფათო, იქვე გოლად გარდასახული მომენტი შეექმნა.

გრძელფეხება მარუანმა ბურთის წართმევის იმედად გაიწვდინა ფეხი, მაგრამ მხოლოდ იდრისე გეიეს წაქცევა მოახერხა, რითაც თავის ყოფილ გუნდს პენალტი აჩუქა.

ლეიტონ ბეინსმა თერთმეტმეტრიანი გარდასახა, ჟოზე მოურინიოს გუნდმა კი ძალიან მნიშვნელოვანი ორი ქულა დაკარგა. ფელაინი ალბათ, თავს დამნაშავედ და იმედგაცრუებულად გრძნობს.

არადა, მარუანისთვის მნიშვნელოვანი შეხვედრა უნდა ყოფილიყო: ბელგიელი 2013 წლის სექტემბერში შეუერთდა "იუნაიტედს" და თავისი მეასე მატჩი ჩაატარა. ეს მრგვალი თარიღი კი ძალიან ლამაზად აღნიშნა.

Squawka-მ შეკრიბა 9 საკმაოდ საყურადღებო მიზეზი იმისა, თუ რატომ არ უნდა დაიშვას ბელგიელი "იუნაიტედის" ძირითად შემადგენლობაში.

საჭირო არ არის

ჟოზე მოურინიოს დიდი არჩევანი აქვს ნახევარდაცვის ცენტრში მოთამაშე ფეხბურთელებისა. პოლ პოგბა, ანდერ ერერა, მაიკლ კერიკი, მორგან შნეიდერლინი და ბასტიან შვაინშტაიგერიც ხომ უკეთ თამაშობენ ამ პიზიციაზე, განსაკუთრებული საჭიროების შემთხვევაში კი ჰენრიხ მხითარიანსა და ხუან მატასაც შეუძლიათ თავის გართმევა.

მუდმივად ჯარიმდება

"ოლდ ტრაფორდზე" მისვლის შემდეგ, ფელაინიმ 216-ჯე დაარღვია თამაშის წესი - 40-ით მეტი, ვიდრე ნებისმიერი სხვა ფეხბურთელის შედეგი ამავე პერიოდში. თანაც ამ მაჩვენებელს ისე მიაღწია, რომ ძირითადში რეგულარულად არ თამაშობდა. წართმევისას მეტწილად სიფრთხილეს არ იჩენს, ძალიან ხშირად იყენებს იდაყვს და მოუხერხებელია.

ბურთს ძალიან ფრთხილად ეპყრობა

"იუნაიტედში" გატარებული დროის განმავლობაში მარუანმა სულ 2 555 პასი გააკეთა. მათგან მხოლოდ 1327 (51%) გადაცემა გაკეთდა წინ. შედარება? კერიკმა ამ პერიოდში ორჯერ მეტი გადაცემა გააკეთა, მათი 70% კი მეტოქის კარისკენ იყო მიმართული (2931).



არათუ სპეციალისტი, არამედ ოსტატი

ფელაინის ხშირად აღიქვამენ, როგორც მებრძოლ ნახევარმცველს. მიუხედავად იმისა, რომ თითქმის ყოველთვის ერთვება ბრძოლაში, გამარჯვებული მისგან ხშირად ვერ გამოდის.

2013 წლის სექტემბრის შემდეგ მარუანმა 116 ორთაბრძოლა მოიგო. ანდერ ერერა ერთი წლის შემდეგ მოვიდა, უფრო იშვიათად გამოდიოდა სასტარტო შემადგენლობაში, სტატისტიკაში კი მას 110 უწერია.

მეორე სართულზე თამაშშიც კი არა რის კარგი

ფელაინის სიმაღლე 194 სანტიმეტრია. რა თქმა უნდა, საჰაერო ორთაბრძოლებში კარგი უნდა იყოს, მაგრამ ისეთ მატჩებში ათამაშებენ, სადაც ფიზიკური ძალის დემონსტირება და მისი გაბარიტების გამოყენება იქნება საჭირო.

მონაცემების მცირე ანალიზი გვარწმუნებს, რომ ამ კომპონენტში არც ისე კარგია. 238 მოგებული ორთაბრძოლა ცუდი არაა, ოღონდ კრის სმოლინგს უფრო მეტი აქვს (269), მაგრამ აი, წუნი - 238-დან მხოლოდ 57%-ა წარმატებული.

ბელგიელი მხოლოდ თავისებური "უნიკალური სავაჭრო ნიშნის" გამო აიყვანეს.



გოლებს ვერ იტანს

"ევერტონში" გატარებული ხუთი წლის განმავლობაში ფელაინიმ 25 გოლი გაიტანა. მაშინ ხშირად გამოდიოდა ცენტრფორვარდის ან შემტევი ნახევარმცველის პოზიციაზე, ასე რომ, შედეგი შთამბეჭდავი არ არის. რისი იმედი უნდა გვქონოდა "იუნაიტედში"?

"კანფეტების" დატოვების შემდეგ მარუანის ანგარიშზე 7 გოლია. მათგან 6 2014/15 წლების სეზონში გაიტანა, ახლანდელი უგოლო სერია კი 2015 წლის დეკემბრის შემდეგ გრძლდება.

შემთხვევითი ფეხბურთელია

პრემიერ ლიგაში შესაძლოა 128 მატჩიდან ფელაინიმ მხოლოდ 34 ჩაატარა სრულად. ეს 26 პროცენტია.

არც დევიდ მოიესი, არც ლუი ვან გაალი, არც ჟოზე მოურინიო არ ენდობოდნენ ბოლომდე. 29 წლის ფეხბურთელი არასდროს ყოფილა მნიშვნელოვანი მოთამაშე და საეჭვოა, გახდეს.

ფიცხი ხასიათი აქვს

მოსვლის შემდეგ 15 ყვითელი ბარათი. მხოლოდ უეინ რუნის (22) აქვს უფრო მეტი.

მაგრამ საქმე მხოლოდ ბარათები არ არის. ბელგიელი ხშირად ხდება ინციდენტების მონაწილე (მეტწილად თავისი იდაყვის გამო) და ეს ნიშნავს, რომ მწვრთნელი ბოლომდე ვერ იქნება დარწმუნებული დაძაბულ მატჩში მის ემოციებთან გამკლავებაში.



უიღბლოა და ეს ფაქტია

2015/16 წლების სეზონის მატჩების, რომელშიც მარუან ფელაინი თამაშობს, მხოლოდ 34.4% სრულდება "მანჩესტერ იუნაიტედის" გამარჯვებით. მის გარეშე კი ეს მაჩვენებელი 60.8%.

საზიზღარი სტატისტიკა.

squawka