"ევერტონი" აქტიურად ცდილობს "მანჩესტერ იუნაიტედის" წყვილის, უეინ რუნისა და მემფის დეპაის გადაბირებას. თუმცა "იუნაიტედი" რუნის გაშვებას ზაფხულამდე არ აპირებს.

რონალდ კუმანს წარმატების მიღწევის უფრო მეტი შანსი დეპაის შემთხვევაში აქვს. ჰოლანდიელმა მთელი სეზონის განმავლობაში მხოლოდ 20 წუთი გაატარა მოედანზე და იგი ხშირად ხვდება სამატჩო განაცხადს მიღმა.

საიჯარო შეთანხმების მიღწევა სავსებით შესაძლებელია, კუმანი კი სეზონის ბოლოს რუნის მშობლიურ გუნდში დაბრუნებასაც ისურვებს.

"ევერტონის" ხელმძღვანელობას სერიოზული ფინანსური კონკურენციის გაწევა მოუწევს ჩინური და ამერიკული კლუბებისთვის, რომელთაც ასევე სურთ ინგლისის ნაკრების კაპიტნის ხილვა საკუთარ რიგებში.

წყარო: daily express