ჟოზე მოურინიო ტრავმირებული ერიკ ბაიის მწყობრში ჩადგომის მნიშვნელობას სათანადოდ აფასებს, რამეთუ "მანჩესტერ იუნაიტედს" წინ დაძაბული გრაფიკი აქვს.

ბაიიმ, აგვისტოს თვის საუკეთესო ფეხბურთელმა 23 ოქტომბერს "ჩელსისთან" მატჩში მიიღო ტრავმა და მას შემდეგ ყველა ტურნირზე ჩატარებულ რვა მატჩს ტრიბინუდანი ადევნებდა თვალს.

თუმცა კოტ დ'ივუარელმა ფეხბურთელმა უკვე მოახერხა დაბრუნება და "ევერტონთან" მატჩში იგი გუნდის განაცხადშიც იყო.

ბაიისთან ერთად უქმობს კრის სმოლინგიც, ამ წყვილის ადგილს კი მარკოს როხო და ფილ ჯონსი იკავებენ, რომლებსაც მოურინიომ ფენომენალურები უწოდა.

"გუდისონ პარკზე" ჩატარებული მატჩის შემდეგ მოურინიომ განაცხადა:"ეს გვჭირდებოდა. ერთი და იმავე ფეხბურთელებისთვის შეუძლებელია ყველა მატჩის ჩატარება, მაგრამ ახლა არჩევანის სიმცირის გამო ხდება ეს.

ასე რომ, ერიკის დაბრუნება კარგი ამბავია, თუმცაღა აფრიკის ჩემპიონატზე მალე წავა, ამიტომ ჩვენთან ცოტა დროს გაატარებს, მაგრამ როგორც მინიმუმ შობის დატვირთულ პერიოდში დამატებით ერთი არჩევანი მექნება. ეს მნიშვნელოვანია", - განაცხადა პორტუგალიელმა.

წყარო: manutd.com