"ევერტონის" ყოფილი ნახევარმცველი ლეონ ოსმანი აცხადებს, რომ მარუან ფელაინი ყოველთვის გამოირჩეოდა აგრესიულობთ და "გუდისონ პარკზე" გამართულ შეხვედრაში გამოჩენილი აგრესიულობა მას არ აკვირვებს.

ბელგიელმა ფეხბურთელმა თავის ყოფილ გუნდთან დაპირისპირებისას მოედანზე სულ რამდენიმე წუთი გაატარა, მაგრამ ეს დრო საკმარისი აღმოჩნდა იმისათვის, რომ საკუთარ საჯარიმოში მეტოქის ფეხბურთელი წესების დარღვევით წაექცია და მსაჯს 11-მეტრიანი დაენიშნა.

შედეგად, "იუნაიტედმა" 2 ქულა დაკარგა, რაც მეექვსე ფრეა ბოლო 9 მატჩში. ფელაინის ასეთ უხეშობას კი მისი ყოფილი თანაგუნდელი არ გაუკვირვებია.

"ყოველთვის ასეთი იყო. ვარჯიშზე მის წინააღმდეგ თუ დადგებოდი, ან ფეხს დაგაბიჯებდა, ან ფეხში გირტყამდა.

როცა ჩვენს რიგებში თამაშობდა, გვინდოდა, ჩვენი საჯარიმოსგან რაც შეიძლება შორს ყოფილიყო", - განაცხადა ოსმანმა.

წყარო: goal.com