"მანჩესტერ იუნაიტედის" ყოფილმა კაპიტანმა გარი ნევილმა მარუან ფელაინის "იდიოტი" უწოდა.
"ევერტონთან" მატჩში შეცვლაზე შესვლიდან 2 წუთში, მარუან ფელაინიმ საკუთარ საჯარიმოში იდრისე გეიე წესების დარღვევით წააქცია, რის გამო დანიშნული პენალტი ლეიტონ ბეინსმა გოლად გარდასა და საბოლოოდ ანგარიში 1-1 დააფიქსირა.
ნევილი არ აპირებს ფელაინის მოედანზე შეშვების გამო ჟოზე მოურინიოს გაკრიტიკებას და აცხადებს, რომ ერთადერთი დამნაშავე ყოფილი "ევერტონელია".
"საჯარიმოში ჩაჯდებულ გრძელ გადაცემებს ცუდად უმკლავდებოდა. ამის მიზეზი შესაძლოა გაიგო, მაგრამ როცა საჯარიმოში შედის და ასეთ იდიოტურ რამეს აკეთებს...
გამოცდილი სანაკრებო ფეხბურთელის კვალობაზე ძალიან ცუდად ითამაშა. მწვრთნელს ვერ დაადანაშაულებ, მხოლოდ ცუდი მომენტის ბრალია", - განაცხადა "იუნაიტედის" ყოფილმა მცველმა.