"მანჩესტერ იუნაიტედის" ნახევამრცველმა პოლ პოგბამ "ოლდ ტრაფორდზე" არყოფნის პერიოდი სამოგზაუროდ წასვლას შეადარა, რომლიდანაც უკვე დაბრუნდა.
"მანჩესტერ იუნაიტედიდან" ტურინის "იუვენტუსში" გადასვლის შემდეგ პოგბამ ოთხი წელი გაატარა იტალიაში, რის შემდგაც ინგლისურ გრანდში მსოფლიოს ყველაზე ძვირადღირებული ფეხბურთელის სტატუსით დაბრუნდა.
ფრანგის თქმით, მან ყოველთვის იცოდა, რომ თავის მშობლიურ კლუბში კვლავ ითამაშებდა. "ეს კლუბი ყოველთვის რჩებოდა ჩემს გულში, ჩემი სახლია. როცა "იუვენტუსში" გადავედი, ვიცოდი, რომ აქ დავბრუნდებოდი.
შეიძლება გამგზავრებას და დაბრუნებას შევადაროთ. სერიოზულად. არაფერი შეცვლილა. ახლაც ისეთივე ვარ, როგორიც ადრე", - განაცხადა ფრანგმა.
პოლმა ასევე ისაუბრა "მანჩესტერ იუნაიტედის" გულშემატკივრებზე, რომლებიც გასულ ზაფხულს თბილად დახვდნენ.
"ფეხბურთელები თავიანთი საქმის გაკეთებას, საყვარელი სამუშაოს შესრულებას ცდილობენ, მაგრამ გულშემატკივარი ფეხბურთს სულ სხვა თვალით ხედავს. თუ მათი საყვარელი გუნდი მარცხდება, ახლობლებს 2-3 დღე შეიძლება აღარ ელაპარაკონ.
აი, რატომ ვთამაშობთ გულშემატკივართა, ჩვენი თავისა და ჩვენი ახლობლების გამო. იმავე სიყვარულით უნდა ვუპასუხოთ, რომელსაც თავად გვიძღვნიან. ეს არასდროს შეიცვლება", - დაამატა პოგბამ.
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.