ჟოზე მოურინიომ "მანჩესტერ იუნაიტედის" ფეხბურთელების მონდომება და პროფესიონალიზმი შეაქო და აღნიშნა, რომ გუნდის ყველა წევრი იმსახურებს თავის გამოჩენის შანსს.
"ვესტ ჰემთან" მოპოვებული გამარჯვების შემდეგ, რაშიც მონაწილეობა ვერ მიიღეს მემფის დეპაიმ და ეშლი იანგმა, ჟოზე მოურინიომ აღნიშნა, რომ სწუხს ფეხბურთელების მატჩს მიღმა დატოვებაზე.
"ოთხშაბათს სასტუმროში ვიყავი და ჩემი ასისტენტი მოვიდა სავარჯიშო კომპლექსზე, რათა ის ხუთი ფეხბურთელი ევარჯიშებინა, ვინც მატჩს მიღმა დარჩა. როცა მოვიდნენ, ის მითხრეს, რასაც ველოდი - მემფის დეპაიმ, ეშლი იანგმა, მარუან ფელაინი და სხვა აურჩეველმა ფეხბურთელებმა საოცარი თავდადება და პროფესიონალიზმი გამოავლინეს, ასე რომ, მათი დატოვება მიმძიმს.
როტაციის გამო ერთ დღეს ერთს ვათამაშებ, მეორე დღეს კი სახლში დავტოვებ, მერე სათადარიგოთა სკამზე დავსვამ - არავინ იმსახურებს უგულებელყოფას. არავის უარვყოფ, რადგან ამას არ იმსახურებენ. მათი შრომიდან გამომდინარე, არ დაუმსახურებიათ.
გავიგებ, თუკი სეზონის გარკვეულ ეტაპზე ისინი აღშფოთებას გამოხატავენ და ვეცდები გავაცნობიერო, თუკი ვინმე მეტყვის, რომ ამ აღშფოთებამ წასვლა გადააწყვეტინა. ჩემთვის ძალიან კომფორტული მდგომარეობაა გუნდში, მაგრამ მათი მატჩს მიღმა დატოვება მიჭირს", - განაცხადა მთავარმა მწვრთნელმა.