"მანჩესტერ იუნაიტედის" თავდამსხმელი ზლატან იბრაჰიმოვიჩი პრემიერ ლიგის თვის საუკეთესო ფეხბურთელის ნომინაციაზეა წარდგენილი.
ექვსკაციან სიაში "ვესტ ბრომვიჩ ალბიონის" ფეხბურთელი მეტ ფილიპსი, "სანდერლენდის" წევრი ჯორდან პიკფორდი, "ჩელსის" დუეტი პედრო და დიეგო კოშტა და "მანჩესტერ სიტის" თავდამსხმელი სერხიო აგუეროც მოხვდნენ.
თვის საუკეთესო ფეხბურთელს პრემიერ ლიგის ოფიციალურ საიტზე ჩატარებული გამოკითხვის შედეგად გამოავლენენ, თუმცა მხოლოდ გულშემატკივართა ხმა არ გადაწყვეტს გამარჯვებულის ვინაობას. არჩევანს პრემიერ ლიგის ექსპერტები და გუნდის კაპიტნებიც გააკეთებენ.
ხმის მიცემა 5 დეკემბერს შეწყდება, გამარჯვებული კი 9 დეკემბერს გამოცხადდება.