"ევერტონის" მთავარი მწვრთნელი რონალდ კუმანი მორგან შნეიდერლინს პრემიერ ლიგაში ახალ თავგადასავალს სთავაზობს.
კუმანი იანვარში შეეცდება ფრანგის გადაბირებას, ამაში კი მას კონკურენციას "ვესტ ბრომვიჩი" გაუწევს, რომელიც ფეხბურთელში 20 მლნ. ფუნტის გადახდას აპირებს.
27 წლის შნეიდერლინმა მხოლოდ 2 მატჩი ჩაატარა ინგლისის ჩემპიონატის მიმდინარე სეზონში, ლიგის თასის მატჩზე კი მხოლოდ სათადარიგოთა სკამზე მოხვდა "ვესტ ჰემთან" დაპირისპირებისას.
კუმანი და პიული უმთავრეს სამიზნედ მიიჩნევენ დაცვითი ფუნქციების მქონე ნახევარმცველს და მას "ოლდ ტრაფორდის" დატოვებას შესთავაზებენ.