ჰოლანდიის ნაკრების ფორვარდმა ელჯერო ელიამ მემფის დეპაის "მანჩესტერ იუნაიტედში" გადასვლა არ მოიწონა და მას "ტოტენჰემის" არჩევა ურჩია.

2014 წლის მსოფლიო ჩემპიონატზე თავის გამოჩენის შემდეგ ჰოლანდიელი ვინგერით "დეზები" და "წითელი ეშმაკები" დაინტერესდნენ, მაგრამ თავად ფეხბურთელმა "პსვ ეინდჰოვენიდან" მანჩესტერში გადასვლა ამჯობინა.

22 წლის დეპაი მოედნის ფეხბურთელებს შორის ის იშვიათი მოთამაშეა, რომელსაც ჟოზე მოურინიოს ხელმძღვანელობით სასტარტო შემადგენლობაში არცერთი მატჩი არ ჩაუტარებია.

ელია კი ფიქრობს, რომ მსგავს სიტუაციაში დეპაი არ აღმოჩნდებოდა, თავისი არჩევანი "იუნაიტედზე" რომ არ შეეჩერებინა.

"ჩემი აზრით, მემფისი ჯერ უნდა შეჩერებულიყო, "ტოტენჰემის" მსგავსი კლუბი აერჩია. "იუნაიტედი" ზედმეტად დიდია, მაღალი ზეწოლაა. დაუყოვნებლივი გავლენა უნდა მოახდინოს კლუბზე, ამასობაში კი ყველა აკვირდება.

მემფისი ჩემს აზრს დაეთანხმა, მაგრამ მითხრა: "მაქსიმუმის გაკეთებას ვეცდები და მჯერა, რომ წარმატებას მივაღწევ".

წყარო: M.E.N.