"მანჩესტერ იუნაიტედის" მარცხენა მცველი ლუკ შოუ, რომელიც ჟოზე მოურინიოს გულისხმიერებით ნამდვილად ვერ სარგებლობს, "ოლდ ტრაფორდზე" დარჩენისთვის იბრძოლებს.

მიუხედავად იმისა, რომ 21 წლის ფეხბურთელმა ტრავმა მოირჩიანდა ოპტიმალური კონდიციები აღიდგნია, მთავარი მწვრთნელი დაცვის მარცხენა ფლანგზე მის ნაცვლად მატეო დარმიანის გამოყენებას ამჯობინებს.

თუმცა, შოუ სიტუაციას არ შეეგუება და მწვრთნელის ნდობის დაბრუნებას ეცდება. Daily Mail-ი ამტკიცებს, რომ ლიგის თასზე "ვესტ ჰემთან" მატჩში შოუ თავისი მაქსიმუმის დამტკიცებას ეცდება.

წყაროს ცნობით, შოუს სამსახურით ზამთარშივე დაინტერესდება მთელი რიგი გუნდებისა, მაგრამ თავად ფეხბურთელს "ოლდ ტრაფორდზე" დარჩენა და მოურინიოს გუნდის ძირითადი შემადგენლობის ფეხბურთელად ჩამოყალიბება სურს.