"მანჩესტერ იუნაიტედის" მთავარმა მწვრთნელმა ჟოზე მოურინიომ თავის კლუბს ხუან მატასთან ახალი კონტრაქტის გაფორმების თაობაზე მოლაპარაკებების დაწყება სთხოვა.

თავის დროზე მატა და მოურინიო ერთად მუშაობდნენ ლონდონის "ჩელსიში", საიდანაც პორტუგალიელმა დევიდ მოიესის "იუნაიტედში" გაასხვისა ესპანელი.

"ოლდ ტრაფორდზე" მოურინიოს მისვლის შემდეგ სატელივიზიო ექსპერტები და პრესის წარმომადგენლები ფიქრობდნენ, რომ მატას "მანჩესტერ იუნაიტედში" თამაშის საშუალება აღარ მიეცემოდა, მაგრამ პირიქით, იგი კლუბის წამყვან ფეხბურთელად იქცა.

"იუნაიტედი" თავდაპირველად ზაფხულამდე მოცდასა და მატას სიტუაციაში მხოლოდ ამის შემდეგ გარკვევას აპირებდა, მაგრამ მთავარ მწვრთნელს მოლაპარაკეკების დაუყოვნებლივ დაწყება სურს.

"ხუანი გუნდის წამყვანი ფეხბურთელი ამ სეზონში, მიუხედავად იმისა, რომ ცუდი სტარტი ჰქონდა. ჩაფიქრებული იყო, მისი კონტრაქტის თაობაზე მოლაპარაკებები მოგვიანებით დაეწყოთ, მაგრამ მოურინიოს რამდენიმე ფეხბურთელის მომავლის დაუყოვნებლივ გარკვევა სურს", - განაცხადა The Sun-ის კლუბთან დაკავშირებულმა წყარომ.

გარდა ამისა, უნდა აღინიშნოს, რომ მოურინიომ ანტონიო ვალენსიას, მაიკლ კერიკისა და ზლატან იბრაჰიმოვიჩის შენარჩუნების სურვილით გამოთქვა.